«ՖԻՐԴՈՒՍԻ» ՏՈՆԱՎԱՃԱՌՆ ԱՍՏԻՃԱՆԱԲԱՐ «ԴԱՏԱՐԿՎՈՒՄ Է»
Արխիվ 12-16
«ՖԻՐԴՈՒՍԻ» ՏՈՆԱՎԱՃԱՌՆ ԱՍՏԻՃԱՆԱԲԱՐ
«ԴԱՏԱՐԿՎՈՒՄ Է»
2007 թ-ին Հանրապետության, Արամի, Երեւանի 33-րդ թաղամաս (Ֆիրդուսի), Տիգրան Մեծ փողոցների ներքին հատվածը հանրային գերակա շահ ճանաչվեց․ տասնյակ ընտանիքներ ստիպված լքեցին տները, պայմանագիր կնքեցին տարածքը ձեռք բերած «City Center Development» ընկերության հետ՝ պայմանով, որ 3,5-4 տարի հետո նույն վայրում կստանան կորցրած տներին համարժեք բնակարաններ: Պայմանագրի ժամկետը վաղուց է լրացել, իսկ բնակարաններն այդպես էլ չեն կառուցվել:
«Իրավունքի» տեղեկություններով` նախատեսվում է 2016 թ-ին Ֆիրդուսի տարածքում մնացած մի քանի տները եւս քանդել եւ նոր բնակարաններ կառուցել: Բնակիչները, սակայն, մտավախություն ունեն, որ իրենք էլ կհայտնվեն իրենց նախկին դրկիցների, այսինքն հարեւան թաղամասի բնակիչների կարգավիճակում, որոնք արդեն ութ տարի է, ըստ էության, անօթեւանի կարգավիճակում են: Ֆիրդուսի առեւտրականների մի մասը, որքան էլ զարմանալի է, այդքան էլ մտահոգված չեն, որ տարածքը պետք է ազատեն, քանի որ իրենց առեւտրականների շրջանակներում տարածված խոսակցությունների, այդ տարածքում առաջվա նման աշխույժ առեւտուր չի լինում: Ավելին` առեւտրականներն աստիճանաբար լքում են իրենց տաղավարները եւ փնտրում առեւտրի համար հարմար նոր տարածքներ:
ՍՈՆԱ ԴԱՎԹՅԱՆ
1
3092 դիտում
2
2447 դիտում
3
2353 դիտում
4
2088 դիտում
5
1987 դիտում
