ՆԱԽԱՐԱՐԸ `ԱԼՅՈՒՐԻ ՀԱՐՍՏԱՑՄԱՆ ԴԵՄ ԲՈՂՈՔՈՂՆԵՐԻՆ. «ԴՈՒՔ ԱՄԵՆ Ի՞ՆՉՆ ԵՔ ԻՍՐԱՅԵԼԻ ՀԵՏ ՀԱՄԵՄԱՏՈՒՄ»
Արխիվ 12-16
ՆԱԽԱՐԱՐԸ `ԱԼՅՈՒՐԻ ՀԱՐՍՏԱՑՄԱՆ ԴԵՄ ԲՈՂՈՔՈՂՆԵՐԻՆ. «ԴՈՒՔ ԱՄԵՆ Ի՞ՆՉՆ ԵՔ ԻՍՐԱՅԵԼԻ ՀԵՏ ՀԱՄԵՄԱՏՈՒՄ»
Ինչպես հայտնի է, նախորդ տարի կառավարությունը հավանություն է տվել «Ցորենի ալյուրի հարստացման մասին» օրինագծին, որը մտահոգում է հանրության մի մասին: Օրինագծի վերաբերյալ Հանրային խորհրդում մի քանի անգամ կազմակերպվել են բուռն քննարկումներ: Մտահոգվողները նշում են հետեւյալը. պետք է ընդամենը ցորենի թեփը չհանել, որպեսզի հանքանյութերը դուրս չգան ալյուրի միջից: «Իրավունքը» առողջապահության նախարար Արմեն Մուրադյանից պարզեց` հնարավո՞ր է նախարարությունը, այնուամենայնիվ, հրաժարվի օրինագծից դժգոհությունների պատճառով: Նախարարի խոսքով` յուրաքանչյուր դժգոհություն պետք է հիմնավորված լինի: «ԱՀԿ-ի բոլոր վերջին տվյալները ապացուցողական բժշկությանը համահունչ պատասխանում են այդ հարցադրումներին: Ես ապավինում եմ մեր այդ զանգվածի ողջամտությանն ու խելամտությանը, որ նրանք կարող են ընկալել տրամաբանությունն ու ողջ փաստերը: Իսկ եթե փաստերը չեն ընկալվում, պետք է դա դիտարկել տենդենցիոզ մոտեցում»,- ասաց պրն Մուրադյանը` հավելելով, որ ծրագրից հրաժարվելու հարց դրված չէ:
Ինչ վերաբերում է այն հարցադրմանը, որ զարգացած երկրներից մի քանիսը, օրինակ, Իսրայելը, հրաժարվել են այլուրի հարստացման ծրագրից, ինչո՞ւ Հայաստանը չի կարող հրաժարվել այդ ծրագրից, նախարարը հարցին հարցով պատասխանեց. «Դուք ամեն ի՞նչն եք Իսրայելի հետ համեմատում: 88 երկիր վաղուց դա ընդունել են»:
ՍՈՆԱ ԴԱՎԹՅԱՆ
1
3092 դիտում
2
2447 դիտում
3
2353 դիտում
4
2088 դիտում
5
1987 դիտում
