ՍՏՈԿՀՈԼՄՈՒՄ ԱՊՐՈՂ ԴԱՎԱՃԱՆԸ

ՍՏՈԿՀՈԼՄՈՒՄ ԱՊՐՈՂ ԴԱՎԱՃԱՆԸ

Մինչ թուրքերն ու ադրբեջանցիները տարատեսակ հրապարակային բեմադրություններ են անում` նշելու համար երեւակայական "Խոջալուի ցեղասպանությունը" եւ այդ նպատակով անգամ Ստամբուլի փողոցներում զանգվածաբար պառկում են գետնին` "սպանվածների" դիրքով, հերթական անգամ թուրքին ծառայություն մատուցեց Շվեդիայում ապրող "վտարանդի", իսկ ավելի ճիշտ` վտարանտեր "գրող" ՎԱՀԵ ԱՎԵՏՅԱՆԸ:
Սույն թափթփուկը հերթական անգամ ներողություն խնդրեց "Խոջալուի ցեղասպանության" համար եւ անգամ հարցականի տակ դրեց Հայոց ցեղասպանության 100-ամյակը. "Սիրելի հարեւան ադրբեջանցիներ: Ես ներողություն եմ հայցում Խոջալուում հարյուրավոր մարդկանց ցեղասպանությանը ցանկացած հնարավոր մասնակցության համար: Ասում եմ` հնարավոր, միմիայն անկախության կանխավարկածի պատճառով, քանզի դեռ չկա դատավճիռ: Հավաստիացնում եմ ձեզ, որ ոչ ինձ, ոչ իմ ընկերներին ու մերձավորներին չեն դաստիարակել` որպես մարդասպաններ, մարդակերներ եւ սադիստներ: Հավաստիացնում եմ ձեզ, որ եթե երբեւիցե Հայաստանում լինի օրինական ժողովրդական իշխանություն, իմ երկիրը կանի իրենից կախված ամեն ինչ, որպեսզի հանցագործությունը հետաքննվի, եւ բոլոր մասնակիցները կանգնեն դատարանի առաջ: Ես համարում եմ, որ այն ժողովուրդը, որը չունի քաջություն` ընդունել մեղադրանքները, կանգնել դատարանի առաջ եւ դատապարտել երեկվա Ցեղասպանությունը, ուր հանցագործ կարող են լինել սեփական համաքաղաքացիները, բարոյական իրավունք չունի համաշխարհային հանրությունից պահանջել 100-ամյա վաղեմության` սեփական նախնիների Ցեղասպանության ճանաչումն ու դատապարտումը":
Հիշեցնենք, որ Վահե Ավետյանը ժամանակին փախել էր Հայաստանից հանցագործություն կատարելուց հետո, սակայն ՀՀ իշխանությունները (կարծում ենք` շատ իզուր) անցյալ տարի համաներումով դադարեցրել են նրա քրեական հետապնդումը: Սա ամենեւին էլ առաջին դեպքը չէ, երբ այս տականքը հայերի անունից ներողություն է խնդրում "Խոջալուի" համար` ըստ էության սպասարկելով Ադրբեջանի շահերը: Սակայն ոչ պակաս զարմանալին այն է, որ "Ֆեյսբուքում" հրապարակած այս տականքային դավաճանությանը իրենց կոճակասեղմումներով հավանություն են տվել հայկական ազգանուններով մի քանի անձինք` բազում թուրքերի հետ միասին: Ազգանունները անծանոթ են, սակայն մեր ուշադրությունը չէր կարող չգրավել այն, որ "լայք" տվողների մեջ է եւ տիկնիկային թատրոնի ղեկավար Ռուբեն Բաբայանը: Ինչեւէ, Բաբայանից ակնկալում ենք բացատրություններ եւ ներողություն, եթե իհարկե պատահմամբ է "հավանել" այդ հրեշավոր տականքությունը:

ՍԵՓ. ԼՐԱՏՎՈՒԹՅՈՒՆ