ԱՐՄԵՆ ՄԱՐՏԻՐՈՍՅԱՆԸ ՉԻ ԸՆԴՈՒՆՈՒՄ, ՈՐ «ԺԱՌԱՆԳՈՒԹՅՈՒՆԸ» ԽԱՂԱՑԵԼ Է ՔՈՉԱՐՅԱՆԻ ԽԱՂԸ. ՏԵՍԱՆՅՈՒԹ

ԱՐՄԵՆ ՄԱՐՏԻՐՈՍՅԱՆԸ ՉԻ ԸՆԴՈՒՆՈՒՄ, ՈՐ «ԺԱՌԱՆԳՈՒԹՅՈՒՆԸ» ԽԱՂԱՑԵԼ Է ՔՈՉԱՐՅԱՆԻ ԽԱՂԸ.  ՏԵՍԱՆՅՈՒԹ

Փետրվարի հինգին ԲՀԿ-ի խորհրդաժողովի ժամանակ  «Ժառանգություն» կուսակցության  փոխնախագահ Արմեն Մարտիրոսյանը «Իրավունքի» հետ զրույցում  վստահաբար հայտարարեց, որ  ԲՀԿ-ի ակտիվության ետեւում ՀՀ  երկրորդ նախագահ Ռոբերտ Քոչարյանը կանգնած չէ: Խորհրդաժողովից հետո ՀՀԿ ղեկավար Սերժ Սարգսյանը հանդես եկավ պատասխան հայտարարությամբ, որից հետո ավելի  արվեցին ՀՀԿ-ի եւ ԲՀԿ-ի հարաբերությունները: Լարվածությունը հասավ այն աստիճանի, որ սկսվեցին ստուգումներ Գագիկ Ծառուկյանին պատկանող օբյեկտներում` ճշտելու տարիներ շարունակ շրջանառվող այն լուրերը, թե Ծառուկյանը հարկեր չի վճարում: Առաջ քաշվեց նաեւ ԲՀԿ առաջնորդին մանդատից զրկելու խնդիրը, որը ցայսօր դեռ լուծում չի ստացել:

Ստեղծված իրավիճակին արձագանքեց նաեւ նախկին նախագահ Ռոբերտ Քոչարյանը, ով հորդորեց իշխանություններին քայլեր չձեռնարկել Գագիկ Ծառուկյանի հանդեպ: Սա, ոչ այլ ինչ է, եթե ոչ ԲՀԿ առաջնորդին պաշտպանելու եւ հերթական անգամ ցույց  տալու, որ այդ կուսակցության կնքահայրն ու իրական առաջնորդը հենց Քոչարյանն է, ինչի մասին ԲՀԿ-ն փորձում էր խնամքով փաքցնել: Բայց ինչպես ասումեն սուտը երկար չի տեւում եւ ի վերջո ճշմարտությունն էլ ջրի երես է դուրս գալիս:

«Ժառանգություն» կուսակցության  փոխնախագահ Արմեն Մարտիրոսյանից «Իրավունքը» պարզեց` այժմ ընդունո՞ւմ է, որ սխալվել է` հայտարարելով, որ ԲՀԿ-ի ակտիվության հետ Քոչարյանը կապ չունի:  «Բացարձակ»,- պատասխանեց  կուսակցության փոխնախագահը, ապա ոչ այդքան իրատեսական պատասխան տվեց. «Ռոբերտ Քոչարյանը մինչ այդ հարցազրույցը տնտեսության ներկա վիճակի մասին է խոսել»:

- Պրն Մարտիրոսյան, դուք ցանկանում էիք, որ ՀՀ նախկին նախագահը  բացահա՞ յտ պաշտպաներ Գագիկ Ծառուկյանին, որ պարզ լինի, թե ովէ ԲՀԿ-ի թւկունքում:

- Ես ձեր ասածը, միեւնույն է, չեմ ընդունում, որովհետեւ մենք խոսում էինք Գագիկ Ծառուկյանի, Լեւոն Տեր- Պետրոսյանի հետ, որոնց գործընկերը «Ժառանգություն» կուսակցության առաջնորդ Րաֆֆի  Հովհաննիսյանն էր: Որոշումներն ընդունում էին միասնական մի սեղանի շուրջ: Նույնիսկ որեւէ մեկը դուրս չէր գալիս` զանգահարելու կամ ինչ-որ մեկից խորհուրդ հարցնելու համար:

- Իսկ միգուցե Քոչարյանին գաղտնի՞ էին տեղեկացնում:

- Չէ, որեւէ մեկի ականջին ականջակալ էլ չկար: Այնպես, որ ձեր ասածը բացարձակ դրա մասին չի խոսում:

Հ.Գ. Տարօրինակ է, բայց փաստ, որ պարոն Մարտիրոսյանը ոչ մի կերպ  չի հավատում անգամ իր աչքի տեսածին ու ականջի լսածին: Հետաքրքիր է` սրանից բացահայտ էլ ինչ պետք է լիներ, պարոն Մարտիրոսյան, որ դուք ընդունեիք այն փաստը, որ ՀՀ երկրորդ նախագահը հենց այնպես ոչ մեկի համար խնդրանքով չէր դիմի գործող  նախագահին՝ այն էլ այդ տոնայնությամբ:

Մանրամասները`տեսանյութում:

ՍՈՆԱ ԴԱՎԹՅԱՆ