ԱՌՈՂՋԱՊԱՀԱԿԱՆ ԲԱՐԵԳՈՐԾԱԿԱՆ ԾՐԱԳՐԵՐ ՄԱՐԶԻ ԳՅՈՒՂԱԿԱՆ ՀԱՄԱՅՆՔՆԵՐՈՒՄ

ԱՌՈՂՋԱՊԱՀԱԿԱՆ ԲԱՐԵԳՈՐԾԱԿԱՆ ԾՐԱԳՐԵՐ ՄԱՐԶԻ ԳՅՈՒՂԱԿԱՆ ՀԱՄԱՅՆՔՆԵՐՈՒՄ

ՀՀ Կոտայքի մարզպետ Ա. Հարությունյանի նախաձեռնությամբ մարզի գյուղական համայքներում կազմակերպվում են առողջապահական բարեգործական ծրագրեր, որի շրջանակներում ինչպես մարզի խոշոր առողջապահական ընկերությունների առաջատար բժիշկ-մասնագետների կողմից գյուղական համայքներում կազմակերպվում են ազգաբնակչության անվճար հետազոտություններ: Հերթական առողջապահական ծրագիրը տեղի է ունեցել Կոտայքի մարզի Բջնի համայնքում: Մարզի առաջատար բժիշկները <<Բջնիի ԲԱ>> ՓԲԸ-ում, համայնքի ընդհանուր բնակչության շրջանում, իրականացրել են աչքի, կրծքագեղձի և վահանձև գեղձի, որովայնի խոռոչի օրգանների սոնոգրաֆիա, էլեկտրոսրտագրություն, ինչպես նաև այլ հետազոտություններ ու մատուցել են մեթոդական և խորհրդատվական ծառայություններ: Այս ամենին զուգահեռ մարզի բժիշկների մեկ այլ խումբ Բջնիի միջնակարգ դպրոցում աշակերտների շրջանում, իրականացրել է աչքի հետազոտություն: Բջնի համայնքում նախապես հրապարակվել է համապատասխան հայտարարություն և առողջապահական ձեռնարկի հնարավարություններից օգտվել են համայնքի շուրջ 100 մեծահասակ բնակիչներ և գրեթե 250 դպրոցահասակ երեխաներ:

Հարկ է նշել նաև, որ Կոտայքի մարզպետ Ա. Հարությունյանի հանձնարարությամբ բժկական հետազոտություն անցած և որոշակի սոցիալական խմբերում ընդգրկված բնակիչներին տրվելու են նաև մարզի բժշկական կենտրոններում հետագա բուժման կուրս անցնելու հնարավորություններ: Մարզի առոջղջապահության բնագավառի պատասխանատուների փոխանցմամաբ ՀՀ Կոտայքի մարզպետի և Հայկական ակնաբուժության նախագիծ բարեգործական հիմնադրամի <<Լույս հայի աչքերին>> ծրագրի համագործակցության շրջանակներում մարզի բոլոր համայնքներում իրականացվելիք աչքի հետազոտությունների արդյունքում սոցիալապես անապահով խմբերում ընդգրկված քաղաքացիների համար նախատեսվում է աչքի շարժական հիվանդանոցում իրականացնել վիրահատություններ` ապրիլի 20-ից մայիսի 8-ն ընկած ժամանակահատվածում:

ՇԱՀԱՆԵ ԽԱՉԱՏՐՅԱՆ