ԱՐԾՎԻԿ ՄԻՆԱՍՅԱՆԸ`ՀՀԿ-Ի ՀԵՏ ԿՈԱԼԻՑԻԱ ԿԱԶՄԵԼՈՒ ՄԱՍԻՆ. ՏԵՍԱՆՅՈՒԹ

ԱՐԾՎԻԿ ՄԻՆԱՍՅԱՆԸ`ՀՀԿ-Ի ՀԵՏ ԿՈԱԼԻՑԻԱ ԿԱԶՄԵԼՈՒ

ՄԱՍԻՆ. ՏԵՍԱՆՅՈՒԹ

ՀՀԿ-ԲՀԿ  լարված իրավիճակը,  ինչպես հայտնի է, հանդարտեցրեց ՀՅԴ-ը, այսպես ասած, ստանձնելով «քավորի»  ու միջնորդի դեր: Երկու կողմերին հաշտեցնելու համար Ռուսաստանի Հայաստան էր ժամանել Սամվել Կարապետյանը (Կալուգայի Սամվել): Ինչպես եւ սպասելի էր, հաշտությունը կայացավ: Եվ չէր էլ կարող չկայանալ` հաշվի առնելով Սերժ Սարգսյանի ու մի քանի ՀՀԿ-ականների կողմից ԲՀԿ առաջնորդի մասին հնչող բացասական ու մեղադրական հայտարարությունները:

Արդյոք ՀՅԴ-ի այս քայլից հետո դաշնակցությունը  ՀՀԿ-ի հետ կկազմի կոալիցիա, որի մասին  վերջերս մամուլը գրում է: Եվ երկրորդ` մի ոտքը ընդդիմությունում, մի ոտքը կոալիցիայում դաշնակցությունը կարողացա՞վ  իր այդքան բաղձալի սահմանադրական բարեփոխումների համար  անարգել ճանապարհ   հարթել: Այս եւ այլ հարցերի շուրջ «Իրավունքը» զրուցեց ՀՅԴ խմբակցության պատգամավոր Արծվիկ Մինասյանի հետ:

- Պրն Մինասյան,  կարծիք կա, որ ՀՅԴ-ը, ստանձնելով միջնորդի կամ քավորի դեր  ՀՀԿ-ԲՀԿ հաշտեցման հարցում երկու  խնդիր լուծեց` առաջին. ՀՀԿ-ի հետ կոալիցիա կազմելու խնդիրը լուծվեց, երկրորդ` սահմանադրական բարեփոխումների հարցը:

- Երկու ենթադրություններն էլ չեն համապատասխանում իրականությանը: Մեր նպատակադրումը շատ պարզ էր` երկրում թույլ չտալ արյունահեղություն:  Մեր սկզբունքային մոտեցումներից է նաեւ հաղթահարել երկրի առջեւ ծառացած խնդիրները: Ցանկացած հարցի վերաբերյալ փորձում ենք  գտնել ելքեր հանդուրժողականության   մթնոլորտում:

- Սահմանադրական բարեփոխումների ճանապարհը վերջնական հարթվե՞ց դաշնակցության այս քայլով:

- Սահմանադրական բարեփոխումների մասով մնում ենք մեր դիրքորոշմանը:  Դիմում ենք քաղաքական բոլոր ուժերին  եւ փորձում ենք ներգրավվել  բովանդակային քննարկման մեջ, այն է` մեր երկրի առջեւ ծառացած խնդիրները հաղթահարել սահմանադարական բարեփոխումների միջոցով:

- Դուք 100%-ով բացառո՞ւմ  եք, որ կոալիցիա կկազմեք ՀՀԿ-ի հետ:

- Ոչինչ հնարավոր չէ բացառել այնքան ժամանակ,  քանի դեռ  այդ երեւույթը չի բացառվում: Բայց   մենք քանի անգամ պետք է ասենք, որ կոալցիան այն ժամանակ է կոալիցիա, երբ  անհրաժեշտ է լինի 51%:  Ինչ վերաբերում  է իշխանության հետ համագործակցությանը,  բազմաթիվ ձեւեր կան, որոնք կոալիցիայի հետ կապ չունեն:

- ՀՅԴ-ից ո՞վ կոնկրետ առաջարկեց  միջնորդի դեր ստանձնել ՀՀԿ-ի ու ԲՀԿ-ի միջեւ:

- Լավ էլի: Դա թողնենք  այլ հարթության վրա:  Շատ բաներ ներկայացնում են ամպագոռգոռ ձեւերով:  Մենք չենք ցանկանում հերոսական կեցվածք ընդունել, քանի որ հերոսություն չենք համարում դա: Մենք մեր պատկերացումներն ենք արել:

ՀԱՐՑԱԶՐՈՒՅՑԻ ՇԱՐՈՒՆԱԿՈՒԹՅՈՒՆԸ` «ԻՐԱՎՈՒՆՔ»-Ի  ՎԱՂՎԱ ՀԱՄԱՐՈՒՄ:

ՍՈՆԱ ԴԱՎԹՅԱՆ