Դրամատուրգ, նկարիչ Աղասի Այվազյանի մահից անցել է գրեթե 8 տարի, սակայն մինչեւ այսօր արվեստագետի թողած ժառանգությունը հասարակությանը հասանելի լինելու համար չկա որեւէ տարածք, ինչն էլ մտահոգում է Ա. Այվազյանի այրի ԳՐԵՏԱ ՎԵՐԴՅԱՆ-ԱՅՎԱԶՅԱՆԻՆ: Նա ամուսնու տուն-գրադարան-թանգարանի ստեղծման անհրաժեշտության մասին օրերս բաց նամակով դիմել էր ՀՀ նախագահին:
Տիկին Այվազյանը մտահոգված է հատկապես Աղասի Այվազյանի գրադարանի, նկարների հետագա ճակատագրի համար: Բազմիցս դիմել է ՀՀ մշակույթի նախարար Հասմիկ Պողոսյանին, սակայն ապարդյուն: "Իրավունքը" եւս անհանգստացած լինելով խնդրի վերաբերյալ` դիմել էր ՀՀ մշակույթի նախարարություն, որտեղից ստացանք հետեւյալ պատասխանը. "Ի պատասխան Ձեր հարցման` հայտնում ենք, որ ՀՀ մշակույթի փոխնախարար Արեւ Սամուելյանը հանդիպել է Աղասի Այվազյանի այրի Գրետա Վերդյանին: Հանդիպման ընթացքում տիկին Վերդյանը խոսել է թանգարան ստեղծելու անհրաժեշտության մասին: Ա. Սամուելյանի կողմից տեղեկացվել է, որ գործում է թանգարանային գործունեություն իրականացնող ոչ առեւտրային կազմակերպությունների պետական աջակցության տրամադրման կարգ եւ միայն համապատասխան գործառույթներ իրականացնելու եւ սահմանված չափորոշիչներին համապատասխանելու դեպքում հնարավոր է դիմել պետական աջակցություն ստանալու համար: Հայտնում ենք նաեւ, որ "Աղասի Այվազյան" հիմնադրամի կողմից ՀՀ մշակույթի նախարարություն դեռեւս պաշտոնական փաստաթուղթ չի ներկայացվել: Ներկայում նախարարության կողմից հիմնադրամին պարբերաբար տրամադրվում է համապատասխան մեթոդական աջակցություն":
1
3105 դիտում
2
2447 դիտում
3
2353 դիտում
4
2093 դիտում
5
1987 դիտում
