"ՀՊԱՐՏ ԿԼԻՆԵԻՆՔ, ՈՐ ՈՐԴԻՍ ՍԱՀՄԱՆԻՆ ԹՈՒՐՔԻ ԴԵՄ ՊԱՅՔԱՐԵԼՈՎ ԶՈՀՎԵՐ..."

"ՀՊԱՐՏ ԿԼԻՆԵԻՆՔ, ՈՐ ՈՐԴԻՍ ՍԱՀՄԱՆԻՆ ԹՈՒՐՔԻ ԴԵՄ
ՊԱՅՔԱՐԵԼՈՎ ԶՈՀՎԵՐ..."

Մեր երեկվա համարում անդրադարձել էինք Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի սպանության դեպքի առթիվ քննվող քրեական գործի մանրամասներին: Մասնավորապեսª զրուցել էինք Հայկազի սպանության մեղադրանքով կալնավորված չորս համակուրսեցիներից մեկի` գնդապետի որդու` Գնել Թեւոսյանի ¥հիմնական մեղադրյալի¤ փաստաբանի հետ, ով, հասկանալի է, փորձում էր արդարացնել իր պաշտպանյալին, թե նա դեպքի վայրում անգամ չի եղել: Ավելին, որ սուտ են այն խոսակցությունները, թե իր պաշտպանյալը ցանկացել է իր "կարգերը" հաստատել ինստիտուտում, իսկ Հայկազին էլ սպանել է` չենթարկվելու պատճառով: Եվ ահա մեր այդ հրապարակմանն արձագանքեց Հայկազ Բարսեղյանի հայրըª խնդրեց, որ իր տեսակետը եւս հրապարակենք: Սպանված կուրսանտի հայրը համոզված է, որ հենց Գնելն է եղել այդ սպանության վերեւում կանգնած.
- Էդ Գնել Թեւոսյանի փաստաբանը, որ էդչափ համառորեն փորձում է արդարացնել իր պաշտպանյալին, ինչի ինքը չգիտի՞, որ Գնելը հենց էդ "խարոշի տղերքի" խումբը ստեղծողն է: Դուք գնացեք ինստիտուտ ու կուրսանտներից հարցրեք, թե ով է գնդապետի որդի Գնել Թեւոսյանը: Գնացեք, հետաքրքրվեք ու իմացեք, թե չորս ամսվա մեջ էդ տականքները` Գնելի գլխավորությամբ, ինչ տեռորի են ենթարկել ինստիտուտը, մասնավորապեսª հրետանային զորքերի առաջին կուրսին: "Յան"-ով ազգանուն կրելը դեռ չի նշանակում հայ լինել, նրանք տականքներ են, ովքեր դաժանաբար սպանել են որդուս: Ես Ձեզ մի բան ասեմ, ես եւ Հայկազի մայրը հպարտ կլինեինք, որ որդիս սահմանի վրա` թուրքի դեմ պայքարելով զոհվեր` թուրքի ձեռքով: Բայց հիմա ի՞նչ ասեմ, ինչո՞վ հպարտանամ, որ մի քանի թուրքից վատ տականք հայերի ձեռքով է էդքան բանը եղել: Այն էլ` ռազմական ինստիտուտում, որտեղ պետք է բարձր մակարդակի սպաներ պատրաստվեն եւ ուղարկվեն սահմանամերձ շրջաններ: Տղայիս հետ Երեւանում արեցին նույն բանը, ինչ տարիներ առաջ Բուդապեշտում` Գուրգեն Մարգարյանի հետ...
Փաստաբանը ասում է Գնելը դեպքի վայրում չի եղել, բայց էդ օրը լավ էլ եղել է: Ես Ձեզ ավելին ասեմ` ինքը ամեն գիշեր քաղաքացիական հագուստով գնում էր տանը քնելու, առավոտյան գալիս էր, մեքենան կանգնեցնում անցակետի մոտ եւ մտնում ինստիտուտ: Բայց սպանության գիշերը տուն չի գնացել, իսկ ինչի համար. պարզ է, որովհետեւ ծրագիր ուներ` վերացնել Հայկազին:

ԻԼՈՆԱ ԱԶԱՐՅԱՆ