"ԵՐԲ ՆԱԽԿԻՆ ԻՇԽԱՆՈՒԹՅՈՒՆԸ ԲՀԿ-Ի ՀԵՏ ԿՐԱԿՈՒՄ ԷՐ ԺՈՂՈՎՐԴԻ ՎՐԱ..."
"Քրիստոնեա-ժողովրդական վերածնունդ" կուսակցության նախագահ ՍՈՍ ԳԻՄԻՇՅԱՆԻՑ "Իրավունքը" հետաքրքրվեց` հավանակա՞ն է, որ ՀԱԿ-ը դուրս գա "եռյակից", քանի որ ՀԱԿ առաջնորդ Լեւոն Տեր-Պետրոսյանը չի հանդուրժի, որ "եռյակի" լիդեր լինի ԲՀԿ առաջնորդ Գագիկ Ծառուկյանը:
Սոս Գիմիշյանը ոչինչ չբացառեց. "ԱԺ-ում յոթ մանդատ ունենալը դա էլ էր մեծ կոմպրոմիս: Ըստ էության` ՀԱԿ առաջնորդը համաձայնեց իշխանության մաս կազմել, քանի որ յոթ մանդատը իշխանությունը տվեց": Կուսակցության նախագահը համոզված է` Հայաստանում չի կարող լինել Գագիկ Ծառուկյան նախագահ: Ինչ վերաբերում է "Ժառանգության" առաջնորդ Րաֆֆի Հովհաննիսյանի` ԲՀԿ ղեկավարին սատարելուն եւ ԲՀԿ-ի հետ համագործակցելուն, այն դեպքում, երբ, ինչպես նշեց ՀՀԿ փոխնախագահ Արմեն Աշոտյանը, ԲՀԿ-ական տարբեր կայքեր քննադատում են Րաֆֆի Հովհաննիսյանին ու նրա կուսակիցներին, Սոս Գիմիշյանն այսպես արձագանքեց. "Ինչ-որ տեղ համաձայն եմ, բայց քաղաքականության մեջ չեն լինում հավերժ բարեկամներ ու թշնամիներ: Քանի որ բարոյականության կողմնակից եմ, համարում եմ, որ ո՛չ Լեւոն Տեր-Պետրոսյանը, ո՛չ Րաֆֆի Հովհաննիսյանը այնտեղ անելիք չունեն (նկատի ունի ԲՀԿ-ի հետ համագործակցությունը-խմբ.): Երբ 2008-ին իշխանությունը նաեւ ԲՀԿ-ի հետ կրակում էր Լեւոն Տեր-Պետրոսյանի վրա, էդ տասը զոհը... հենց իր արյունն էին թափում (նկատի ունի ՀԱԿ առաջնորդին-խմբ.): Չեմ հասկանում նաեւ Րաֆֆի Հովհաննիսյանի համագործակցությունը ԲՀԿ-ի հետ": ՍՈՆԱ ԴԱՎԹՅԱՆ
1
3105 դիտում
2
2447 դիտում
3
2353 դիտում
4
2093 դիտում
5
1987 դիտում
