"ԶԱՐՈՒՀԻ՛, ԻՄ ԵԼՈՒՅԹԻ ԺԱՄԱՆԱԿ ՇՈՈՒ ՄԻ ՍԱՐՔԻ"

"ԶԱՐՈՒՀԻ՛, ԻՄ ԵԼՈՒՅԹԻ ԺԱՄԱՆԱԿ ՇՈՈՒ ՄԻ ՍԱՐՔԻ"

Երեկ ԱԺ արտաքին հարաբերությունների մշտական հանձնաժողովի նիստում քննարկվում էր "Ժառանգություն" խմբակցության պատգամավոր Զարուհի Փոստանջյանի հեղինակած "Օսմանյան կայսրությունում հույների, ասորիների, եզդիների եւ այլ կրոնական ու ազգային փոքրամասնությունների նկատմամբ իրականացված ցեղասպան քաղաքականությունը` որպես մարդկության դեմ ուղղված ծանրագույն հանցագործություն համարելու եւ դատապարտելու մասին" հայտարարության նախագիծը եւ ԱԺ բոլոր խմբակցությունների ներկայացուցիչների կողմից ներկայացված Օսմանյան Թուրքիայի կողմից 1914-1923 թվականներին իրականացված հույների եւ ասորիների ցեղասպանությունը դատապարտելու մասին հայտարարության նախագիծը: Սակայն, քննարկումը վերածվեց շոուի, քանի որ թեպետ բոլոր ներկա պատգամավորները նշում էին, որ բավարար փաստեր չկան, սակայն, Զ. Փոստանջյանը պնդում էր, թե Օսմանյան Թուրքիայի կողմից 1914-1923 թթ. հույներից ու ասորիների բացի, ցեղասպանության են ենթարկվել նաեւ եզդիները: Ի վերջո, հանգիստ ու երկար բացատրելուց հետո շատերի նյարդերը տեղի տվեցին: Նախ ԱԺ ՀՀԿ խմբակցության պատգամավոր Սամվել Ֆարմանյանն ասաց. "Զարուհի, սուտ ես խոսում" ու հեռացավ նիստերի դահլիճից, ապա ԱԺ փոխնախագահ Էդուարդ Շարմազանովը մի քանի անգամ հիշեցրեց տիկին Փոստանջյանին. "Դուք կարող եք այդպես բղավել միայն ձեր տանը": Իսկ ԱԺ ՀՀԿ խմբակցության պատգամավոր Շիրակ Թորոսյանը, ում ելույթի ժամանակ  Փոստանջյանը կրկին մեջ էր ընկնում, ի գիտություն` ասաց. "Զարուհի՛, իմ ելույթի ժամանակ շոու մի սարքի, ես հասկանում եմ, որ քաղաքական վերջին իրադարձությունների ֆոնին շոուներ են պետք, բայց թույլ չեմ տա դա անել իմ ելույթի հաշվին": Այնուամենայնիվ, դյուրաբորբոք տիկինը գոհ ու բարկացած հեռացավ դահլիճից, շոուն հաջողվել էր:

ՀՐԱՆՏ ՍԱՐԱՖՅԱՆ