«ԱՍՏՎԱԾ ՉԱՆԻ ԲՀԿ-Ն ԼԻՆԻ, ԷԼԻ ՆՈՒՅՆ ԲԱՆԸ ԿԼԻՆԻ». ՀԱՍԱՐԱԿԱԿԱՆ ԳՈՐԾԻՉ

«ԱՍՏՎԱԾ ՉԱՆԻ ԲՀԿ-Ն ԼԻՆԻ, ԷԼԻ ՆՈՒՅՆ ԲԱՆԸ ԿԼԻՆԻ».

ՀԱՍԱՐԱԿԱԿԱՆ ԳՈՐԾԻՉ

Այսօր «Ազդակ» լրագրողական ակումբի հյուրերն էին «Սոցիալիստական շարժում» կուսակցության ղեկավար ՌՈԲԵՐՏ ԱՀԱՐՈՆՅԱՆԸ եւ «Ազգային արժեքների պահպանման ճակատ» հասարակական կազմակերպության նախագահ ՍԵՎԱՆ ԱՂԱՋԱՆՅԱՆԸ, «Աղանդների դեմ միասնական պայքարի կոչը եւ դրան հաջորդող քայլերը» թեմայով: Ս. Աղաջանյանը հայտարարեց, որ 5-6 ամիս առաջ սկսել են պայքար Հայաստանում գործող քայքայիչ աղանդների, մասնավորապես` «Եհովայի վկաների» դեմ: Ս. Աղաջանյանը նաեւ ասաց, որ անցած ժամանակահատվածում մի քանի անգամ ասուլիսներով հանդես են եկել, տարբեր հաղորդումների շրջանակում բարձրաձայնել, որ Եհովայի վկաները չեն ընդունում պետական դրոշը, օրհներգը և այն ամենը, ինչ վերաբերվում է հայոց պետականությանը:

Նրա խոսքով. «Վերջերս էլ զրուցել ենք «Եհովայի վկաների» ներկայացուցիչներից Արմեն Հակոբյանի հետ, ով ՄԱԿ-ում ներկայացնում է «Եհովայի վկաներին» հաստատել է, որ Եհովայի վկաները չեն ընդունում պետական դրոշ, զինանշան, այսինքն` իրենք նախ Եհովայի վկա են, հետո նոր Հայաստանի քաղաքացի, իրենք չեն էլ ընդունում, որ հայ են, «հայ» հասկացությունը չկա իրենց մեջ»,- ասաց Սևան Աղաջանյանը:

Մյուս բանախոսն էլ հավելեց, որ պայքարի ձեւը դա որտեղ տեսնում են Եհովայի վկա, փորձում են դեմն առնել, այսինքն թույլ չտալ ազատ ազատ քարոզելու, ամեն պատահած տեղ ստենդներ դնել եւ գրքեր բաժանել. «Մենք գործ տվող չենք, իսկ եհովայի վկաները միանգամից գործ են տալիս ոստիկաությանը եւ հիմա մի քանի նման գործեր կան առ այն, որ մենք իրենց խանգարում ենք, իսկ մենք էլ ստիպված բացատրություն ենք տալիս, որ իրենք օրենք են խախտում եւ քարոզ են իրականացնում դպրոցների մոտ, որտեղ սովորում են անչափահասներ: Նրանք իրենց այդ գունազարդ ու գեղեցիկ գրքերով փորձեւմ են երեխաներին մոլորեցնել, ինչը հակապետական քայլ է»: Ռ. Ահարոնյանը նաեւ հավելեց, որ իրենց արդեն ճանաչողները, նկատի ունի եվոհայի վկաներին, որտեղ իրենց տեսնում են փախնում են, քանի որ որդեգրել են պայքարի կոպիտ տարբերակները. «ես լինելով կոմունիստ, սոցիալիստ, միշտ մեզ մեղադրում են ասելով, թե մենք աթեիստ ենք, բայց առաջին հերթին մենք քրիստոնեա հայ ենք, քրիստոնեա եւ ոչ մի կերպ թույլ չենք տա, որպեսզի մեր Առաքելական եկեղեցու շուրջ մեր միասնականությունը պառակտվի»: Այս հարցում բանախոսը մեղադեց իշխող կուսակցությանը, արդարադատության նախարարությանը, քանի որ այն ՀԿ-ները, որոնք ֆինանսավորվում են դրսից, ստանալով գրանտներ, պառակտիչ գործողություններ են կատարում Հայաստանում, պետք է արգելվեն: Բայց խոսքը ոչ միայն իշխանություններին է վերաբերում, այլեւ խոսքը գնում է քրեակապիտալիստական օլիգարծիկ պետության մասին, որը սկսել է ձեւավորվել Լեվոն Տեր-Պետրոսյանի օրոք, ինչպես նաեւ այդ աղանդները սկսեցին գրանցվել թե ՀՀ 1-ին եւ թե ՀՀ 2-րդ նախագահների օրոք եւ շարունակվում է մինչ հիմա: «Իսկ վաղը, Աստված չտա «Բարգավաճ Հայաստանը» գա իշխանության, էլի նույնը կլինի»,- եզրափակեց բանախոսը:

Ասուլիսի ընթացքում բանախոսները հայտարարեցին հեռախոսահամարներ, եւ ասացին, որ այն անձինք, ովքեր կտուժեն, կամ կնկատեն Եհովայի վկաներին բացեիբաց քարոզ իրականացնելուց, կարող են զանգահարել այդ համարներով 099-27-70-95 եւ 043-000-321. «Ունենք թիմ, որ հենց առաջին զանգից կներկայանան այնտեղ, որտեղ պետք է` հատկապես դպրոցների տարածքում` եւ ընդհուպ մինչեւ ուժի տեսքով կլուծենք»:

Թեմայի շարունթկությունը կարդացեք «Իրավունք» թերթվի վաղվա համարում:

ԱՐՄԵՆՈՒՀԻ ՀԱԿՈԲՅԱՆ