Գալուստ Սահակյանը հանձնարարել է ուսումնասիրել Ծառուկյանի բացակայությունները
Արխիվ 12-16
Գալուստ Սահակյանը հանձնարարել է ուսումնասիրել Ծառուկյանի բացակայությունները
Ազգային ժողովի նախագահ Գալուստ Սահակյանը հանձնարարել է ուսումնասիրել ԲՀԿ առաջնորդ Գագիկ Ծառուկյանի բացակայությունները և դրանց հիմքերը: Այս մասին «Արմենպրես»-ի հետ զրույցում տեղեկացրել է ԱԺ ՀՀԿ խմբակցության ղեկավար Վահրամ Բաղդասարյանը:
«Եթե այդ բացակայությունների հիմքերը հիմնավոր չլինեն, դրանց հիման վրա Ազգային ժողովի նախագահը որոշում կկայացնի, որից հետո խմբակցությունը կքննարկի և կհայտնի իր դիրքորոշումը»,- նշել է Բաղդասարյանը:
Հարցին, թե հնարավոր է, որ արդեն հաջորդ քառօրյայի ընթացքում քննարկվի ԲՀԿ առաջնորդ Գագիկ Ծառուկյանին պատգամավորական մանդատից զրկելու հարցը, Վահրամ Բաղդասարյանը պատասխանել է, որ դա արդեն իր որոշելու խնդիրը չէ եւ խորհուրդ է տվել այդ հարցով դիմել ԱԺ նախագահին:
Հիշեցնենք, որ իր երեկվա հայտնի ելույթում Սերժ Սարգսյանը նշել էր, որ ԱԺ 145 նիստերից Գագիկ Ծառուկյանը մասնակցել է միայն 4-ին եւ նկատել, որ եթե նա այդ աստիճանի արհամարհում է իր ընտրողներին և Ազգային ժողովի դերը, իրենց պատգամավորները վաղվանից կնախաձեռնեն նման անհեթեթ վիճակին վերջ տալու համար անհրաժեշտ քայլերը:
1
3105 դիտում
2
2447 դիտում
3
2353 դիտում
4
2093 դիտում
5
1987 դիտում
