ԺԻՐԱՅՐ ՍԷՖԻԼՅԱՆ. «ԲԱԿՈ ՍԱՀԱԿՅԱՆԸ ԴՐԺԵՑ ԻՐ ԽՈՍՏՈՒՄԸ»

ԺԻՐԱՅՐ ՍԷՖԻԼՅԱՆ. «ԲԱԿՈ ՍԱՀԱԿՅԱՆԸ ԴՐԺԵՑ ԻՐ

ԽՈՍՏՈՒՄԸ»

Հիմնադիր խորհրդարանի անդամ, ազատամարտիկ  Ժիրայր Սէֆիլյանն այսօրվա մամլո ասուլիսում անդրադառնալով Բերձորի հունվարի 31-ին դեպքերին, հերքեց այն տեղեկությունները, թե նախապես ԼՂՀ իշխանությունները իրենց հետ պայմանավորվածություն են ձեռք բերել` ավտոերթ չանցկացնելու  համար: «Ինձ հետ կապվել է Արցախի ոստիկանապետը, ով խնդրում էր, որ մտափոխվեինք: Ես բացատրում էի` դա անհնար է: Իսկ ինքը փորձում էր կոմպրոմիսի գնալ: Այնուհետև ինձ ասաց, որ խոսել է Բակո Սահակյանի հետ և վերջինս համաձայնել է, որ մենք գնանք Արցախ ու այդ ամենն անենք ուղիղ եթերով: Ուղիղ եթերի բովանդակության հետ կապված հարցերով մեզ հրավիրեցին Արցախ: Երբ հասանք Ստեփանակերտ, Արցախի նախագահ Բակո Սահակյանը դրժեց իր խոսքը և ասաց, որ իրենք նման խոստում չեն տվել»,- մանրամասնում է   հիմնադիր խորհրդարանը:

Ազատամարտիկի խոսքով` Արցախում տեղի ունեցած հանդիպմանը նկատել է, որ այն  զինվորականներ, որոնք այդ պահին նստած են եղել ԼՂՀ նախագահ Բակո Սահակյանի սենյակում, սեփական կարծիք չունեին: «Մենք այդ օրը բաժանվել ենք իրենցից` առանց ասելու, որ հրաժարվում ենք ավտոերթից: Մենք օրեր անց հայտարարեցինք, որ հետաձգում ենք ավտոերթը»,- ասաց պրն Սէֆիլյանը:

Ըստ Սէֆիլյանի` Արցախում ժողովրդին ապատեղեկատվություն  էին տարածել, թե իբր իրենք գնում են` հեղաշրջում իրականացնելու, մինչդեռ իրական նպատակը  ընդամենն իրազեկել ավտոերթի մասին: «Ինձ համար անսպասելի չէր, որ ճանապարհը փակ էր, բայց չէի սպասում, որ ծեծ ու ջարդ է լինելու»,- ասաց նա:

Հիմնադիր խորհրդարանի անդամը նշեց, որ իրենք շարունակելու են իրենց պայքարը, ապրիլի 24-ին եւս կլինի միջոցառում,  իսկ թե ինչ, Սէֆիլյանը չմանրամասնեց:

ՍՈՆԱ ԴԱՎԹՅԱՆ