2014 ԹՎԱԿԱՆԻ ԼԱՎԱԳՈՒՅՆ ԵՎ ՎԱՏԱԳՈՒՅՆ ՄՇԱԿՈՒԹԱՅԻՆ ԳՈՐԾԻՉՆԵՐԸ

2014 ԹՎԱԿԱՆԻ ԼԱՎԱԳՈՒՅՆ ԵՎ ՎԱՏԱԳՈՒՅՆ ՄՇԱԿՈՒԹԱՅԻՆ ԳՈՐԾԻՉՆԵՐԸ

«Իրավունք» թերթը շարունակելով լավագույն ավանդույթները` այս տարի եւս ներկայացնում է նախորդ տարվա ընթացքում իրենց գործունեությամբ աչքի ընկած մշակույթի լավագույն եւ վատագույն գործիչներին:

Եվ այսպես, ըստ «Իրավունք» թերթի`

Երաժշտության բնագավառում ԼԱՎԱԳՈՒՅՆ կոմպոզիտոր է համարվել ՏԻԳՐԱՆ ՄԱՆՍՈՒՐՅԱՆԸ` 75-ամյակի, նշանակալի ավանդի եւ հայանպաստ գործունեության համար:
ԼԱՎԱԳՈՒՅՆ ժողովրդական երգչուհի է համարվել ՕՖԵԼՅԱ ՀԱՄԲԱՐՁՈՒՄՅԱՆԸ` 90-ամյակի, նշանակալի ավանդի եւ հայ երգը տասնամյակներ շարունակ բարձր մակարդակով ներկայացնելու համար:

Երգարվեստի բնագավառում ԼԱՎԱԳՈՒՅՆ օպերային երգչուհի է համարվելՀԱՍՄԻԿ ԹՈՐՈՍՅԱՆԸ` Վերդիի «Տրավիատա» օպերայում փայլուն դերակատարման համար:
ԼԱՎԱԳՈՒՅՆ օպերային երգիչ է համարվել ԼԻՊԱՐԻՏ ԱՎԵՏԻՍՅԱՆԸ` տարվա ընթացքում փայլուն դերակատարումների եւ հայկական օպերային արվեստը մի քանի միջազգային մրցույթներում լավագույնս ներկայացնելու համար:

Էստրադային ԼԱՎԱԳՈՒՅՆ երգիչ է համարվել ԷՐԻԿ ԿԱՐԱՊԵՏՅԱՆԸ` կոմպոզիտոր Ա. ԲԱԲԱՋԱՆՅԱՆԻ երգերը լավագույնս կատարելու համար:
ԼԱՎԱԳՈՒՅՆ երգչուհիներ են համարվել ԻՆԳԱ եւ ԱՆՈՒՇ ԱՐՇԱԿՅԱՆ քույրերը` հայկական ֆոլկը մաքրամաքուր մատուցելու եւ պահելու համար:
ՎԱՏԱԳՈՒՅՆ երգիչ է համարվել ԷՌՆԵՍՏ THE BEST-ը` բացի երգելուց ամեն ինչով զբաղվելու, դրսից Հայրենիքը վատաբանելու ու պախարակելու համար:

Թատերական ոլորտում ԼԱՎԱԳՈՒՅՆ թատրոն է համարվել Հ. Պարոնյանի անվան երաժշտական կոմեդիայի պետական թատրոնը` տարվա ընթացքում հայ դրամատուրգների գործերը` մասնավորապես Տ. Չուխաջյանի «Կարինե» օպերտը բեմադրելու համար:  
ՎԱՏԱԳՈՒՅՆ թատրոն է համարվել Վանաձորի Հ. Աբելյանի անվան դրամատիկական թատրոնը` տարվա ընթացքում հաճախակի սկանդալների կիզակետում հայտնվելու համար:
ԼԱՎԱԳՈՒՅՆ դերասան է համարվել Գ. Սունդուկյանի անվան ազգային ակադեմիական թատրոնի դերասան ՀՀ վաստակավոր արտիստ ՏԻԳՐԱՆ ՆԵՐՍԻՍՅԱՆԸ` Պ. Զեյթույցյանի «100 տարի անց» ներկայացման մեջ տպավորիչ կերպար կերտելու համար:
ԼԱՎԱԳՈՒՅՆ դերասանուհի է համարվել Հ. Պարոնյանի անվան երաժշտական կոմեդիայի պետական թատրոնի դերասանուհի ՆԱՐԻՆԵ ԱԼԵՔՍԱՆՅԱՆԸ` Բ. Նուշիչի «Տիկին մինիստրուհին» ներկայացման մեջ Մինիստրուհու կերպարը տպավորիչ կերտելու համար:

Պարարվեստի բնագավառում ԼԱՎԱԳՈՒՅՆ պարող է համարվել Ա. Սպենդիարյանի անվան օպերայի եւ բալետի ազգային ակադեմիական թատրոնի առաջատար պարող ՌՈՒԲԵՆ ՄՈՒՐԱԴՅԱՆԸ` ոլորտում ցուցաբերած փայլուն դերակատարումների համար:
ԼԱՎԱԳՈՒՅՆ պարուհի է համարվել Ա. Սպենդիարյանի անվան օպերայի եւ բալետի ազգային ակադեմիական թատրոնի առաջատար մենապարուհի ՄԱՐԻԱ ԴԻՎԱՆՅԱՆԸ` ոլորտում ունեցած մեծ ներդրման համար:

Կինեմատոգրաֆիայում ԼԱՎԱԳՈՒՅՆ ֆիլմ է համարվել ՋԻՎԱՆ ԱՎԵՏԻՍՅԱՆԻ «Թեւանիկը»` Արցախյան ազատամարտի մասին գեղարվեստական արտացոլումը լավագույնս ներկայացնելու եւ հայ ժողովրդի ռազմահայրենասիրական ոգին բարձրացնելու համար:
ՎԱՏԱԳՈՒՅՆ ֆիլմեր են համարվել դանիացի ռեժիսոր Լարս ֆոն Թրիերի «Նիմֆոմանուհին», որի ցուցադրությունը Հայաստանում երկար ժամանակ արգելելուց հետո, ի վերջո, ընդամենը մեկ անգամ ցուցադրվեց «Սինեմա Սթար» կինոթատրոնում եւ Նիկոլաս Սթոլերի «Հարեւանները պատերազմի շեմին» ֆիլմը, որը «Իրավունքի» արձագանքից հետո դադարեց ցուցադրվել «Մոսկվա» կինոթատրոնում:

ԼԱՎԱԳՈՒՅՆ փառատոն է համարվել «ԱՐՄՄՈՆՈ» միջազգային թատերական փառատոնը` մոնոներկայացումների ժանրը զարգացնելու համար:
ՎԱՏԱԳՈՒՅՆ փառատոն է համարվել Բրիտանական ֆիլմերի փառատոնը` հայ ավանդույթները հակասող ֆիլմեր ցուցադրելու համար:

Տարվա մշակութային հաստատության ԼԱՎԱԳՈՒՅՆ ղեկավար է ճանաչվել Հայաստանի ազգային ֆիլհարմոնիկ նվագախմբի տնօրեն ՌՈՒԶԱՆՆԱ ՍԻՐՈՒՆՅԱՆԸ` տարվա ընթացքում մշակույթին եւ ազգային երաժշտությանը լավագույնս աջակցելու համար:  
ՎԱՏԱԳՈՒՅՆ ղեկավար է ճանաչվել Հայաստանի փայտարվեստի թանգարանի տնօրեն ՀԵՆՐԻԿ ՍՈԼԱԽՅԱՆԸ` թանգարանի գործունեությունը հասարակությունից թաքցնելու եւ ոչ թափանցիկ գործունեություն ծավալելու համար:

Գրականության ասպարեզում ԼԱՎԱԳՈՒՅՆ գրող է համարվել ԼԵՎՈՆ ԽԵՉՈՅԱՆԸ` հետմահու տպագրված «Մհերի դռան գիրքը» գրքի համար:
ՎԱՏԱԳՈՒՅՆ գրող է համարվել Ջեմալ փաշայի թոռ Հասան Ջեմալը` «1915. Հայոց ցեղասպանություն» գրքի Հայոց ցեղասպանության անհերքելի փաստերը խեղաթյուրելու համար:

Ներկայացրեց
ԼԻԼԻԹ ԵՂԻԱԶԱՐՅԱՆԸ