Փետրվարի 5-ին ԲՀԿ-ի խորհրդաժողովում "Ժառանգություն" խմբակցության ղեկավար Ռուբեն Հակոբյանի ու փոխնախագահ Արմեն Մարտիրոսյանի` 1995-1996 թթ.-ի կեղծված ընտրությունների մասին հայտարարությունները մամուլում ակտիվ քննարկվում են: Հիմնական հարցը հետեւյալն է` ինչպես է "Ժառանգությունը" քննադատում ՀԱԿ-ին` նախկին ՀՀՇ-ին ընտրությունները կեղծելու համար, միաժամանակ` "եռյակի" ձեւաչափով համագործակցում նրա հետ:
Շրջանառվող լուրերի համաձայն` ԲՀԿ-ին եւս դուր չի եկել "ժառանգականների" ելույթը, քանի որ, ինչպես ասում են, պետք էր չմոռանալ` ինչի համար ենք հավաքվել: "Իրավունքի" հետ զրույցում, օրինակ, ԲՀԿ պատգամավոր Ստեփան Մարգարյանը հրաժարվեց դա մեկնաբանել: Տեղեկություններ կան, որ "ժառանգականների" ելույթները նաեւ ՀԱԿ-ի սրտով չէին, բայց քանի որ ավելի կարեւոր խնդիրներ կան` "համաժողովրդական շարժման" հետ կապված, ՀԱԿ-ականները որոշել են այս անգամ որեւէ կերպ չարձագանքել: Չնայած, ոչ ոք չի բացառում, որ "եռյակի" առաջնորդների հանդիպման ժամանակ ՀԱԿ ղեկավար Լեւոն Տեր-Պետրոսյանը, միգուցե, որեւէ կերպ ակնարկի "Ժառանգության" առաջնորդին` իրենց ետեւից բամբասելու համար:
1
3110 դիտում
2
2447 դիտում
3
2353 դիտում
4
2093 դիտում
5
1987 դիտում
