ԹԵ ԻՆՉՈՒ ՊՈԼԻՏԵԽՆԻԿՈՒՄ ԿՐՔԵՐԸ ՉԵՆ ՀԱՆԴԱՐՏՎՈՒՄ

ԹԵ ԻՆՉՈՒ ՊՈԼԻՏԵԽՆԻԿՈՒՄ ԿՐՔԵՐԸ ՉԵՆ ՀԱՆԴԱՐՏՎՈՒՄ

Հայաստանի ազգային Պոլիտեխնիկական համալսարանում օրերս հասունացած նոր իրարանցումները գնալով զարգացում են ապրում: Երեկ համալսարանում տեղի ունեցած արտահերթ գիտաժողովում համալսարանի ռեկտորի ժամանակավոր պաշտոնակատար Հովհաննես Թոքմաջյանը, ուսխորհրդի նախագահ Գոռ Վարդանյանին, ով նախ նիստին ներկայացել էր  ուշացումով եւ փորձել միջամտել գործընթացներին, եւ քանի որ նաեւ գրանցված չի եղել գիտական խորհրդում, հետեւապես, գիտականխորհրդի աշխատանքները խանգարելու համար ռեկտորը նրան դուրս է հրավիրել դահլիճից: Արդեն նիստից առաջ պարզ է դարձել, որ Գոռ Վարդանյանը գտնվել է ԿԳ նախարար Արմեն Աշոտյանի մոտ, ինչի մասին նա տեղեկացրել է ուսանողներից մեկի միջոցով, փոխանցելով մի գրություն: Երեկ արդեն տեղեկացրել էինք, որ համալսարանի գիտխորհուրդը ցանկանում է անվավեր համարել ուսխորհրդում տեղի ունեցած իբրեւ ընտրությունները, ինչի մասին <Իրավունքի> հետ զրույցում հաստատեց նաեեւ ուսումնական գծով պրոռեկտոր Ս. Աղբալյանը, որ որեւէ ընտրություն տեղի չի ունեցել: Մեր տեղեկություններով Պոլիտեխնիկական համալսարանում Գոռին ընկալում են ԿԳ նախարար Արմեն Աշոտյանի, ժողովրդի լեզվով ասած, <նախընտրած մարդը>: Նշենք նաեւ, որ համալսարանում շուտով տեղի է ունենալու ռեկտորի ընտրություն եւ կրկին մեր տեղեկություններով այս կոնֆլիկտը՝ Թոքմաջյան ուսխորհրդի նախագահ, ստեղծվել է արհեստականորեն: Այսինքն, ըստ էության ռեկտորի ընտրությունների համար պետք է ապահովել անհրաժեշտ քանակությամբ ձայներ, իսկ տվյալ պարագայում այդ 8 ձայները, որը ներկայացնում է ուսխորհուրդը, պետք է նաեւ ապահովվեր իրենց կողմից, ինչը սակայն վերջին զարգացումներից հետո խիստ կասկածելի է: Մնացած 8-ական ձայները պետք է լինեն կառավարության, ԿԳ նախարարության եւ համալսարանի կողմից: Մեր տեղեկություններով այս պաշտոնի համար <խաղեր> են տալիս ընկեր դաշնակները, ովքեր ժամանակին վայելում էին այս բարձր պաշտոնը՝ ռեկտոր Մարուխյանի գլխավորությամբ, քանի որ այդ ժամանակ համարվում էին կոալիցիայի անդամ: Իսկ հիմա, նույն դաշնակները չնայած նրան, որ ընդդիմադիր են, սակայն դեմ ըլլալով կողմ են իշխանություններին:

Ի դեպ նշենք նաեւ, որ եթե նախկինում գոյություն ուներ տարիքային ցենզ, այսինքն 65 տարին բոլորած անձը այլեւս չէր կարող զբաղեցնել համալսարանի ռեկտորի պաշտոնը, հիմա արդեն, նոր կանոնադրության համաձայն նման բան գոյություն չունի եւ պետք է ռեկտորն պարտադիր լիներ դոկտոր-պրոֆեսոր: Իսկ հիմա այդ նույն կանոնադրության մեջ, այսպես ասած խորամանկ փոփոխություն է արված եւ նշված է, որ ռեկտորի պաշտոնում կարող է հավակնել գիտությունների դոկտոր/պրոֆեսոր, այսինքն կամ-կամ, այլ ոչ թե երկուսը միասին: Այս նույն ձեռագիրը կար նաեւ ՀՀ 2-րդ նախագահ Ռոբերտ Քոչարյանի օրոք, որի ժամանակ դաշնակցական՝ Մարուխյանը, ով գիտությունների թեկնածու էր, նշանակվեց ռեկտորի պաշտոնում:

Նշենք նաեւ, որ այս ամենը ավելի խոր պատմություն ունի եւ այն սկսել է հասունանալ դեռեւս է անցյալ տարի պարոն Թոքմաջյանի սեքս սկանդալից հետո:

Բոլոր դեպքերում, ըստ այս իրավիճակին մոտ կանգնած աղբյուրի Հովհաննես Թոքմաջյանի ռեկտորի պաշտոնում օրերը հաշված են:

Ա. ՀԱԿՈԲՅԱՆ