6 - 12 փետրվար

6 - 12 փետրվար

ԽՈՅ- Շաբաթվա սկզբին ստիպված կլինեք զբաղվել ընտանեկան գործերով, կարող են այցելել ձեր բարեկամները: Խուսափեք կենցաղային սարքավորումներ օգտագործելուց: Շաբաթվա երկրորդ կեսը կանցնի շատ ավելի ուրախ ու անհոգ, կարող եք ստեղծագործական եւ սիրային հաջողություններ ակնկալել: Ընդհանրապես ձեր բախտը կբերի:

ՑՈՒԼ- Ստիպված կլինեք շատ քչփորել դասագրքերը (դա, իհարկե, վերաբերում է սովորողներին): Հույս չունենաք, որ հեշությամբ կհանձնեք ստուգարքը կամ քննությունը: Շաբաթվա երկրորդ կեսին կարող են վեճեր առաջանալ ձեր եւ ձեր հարազատների միջեւ, եւ դուք ստիպված կլինեք հաշտության եզրեր փնտրել:

ԵՐԿՎՈՐՅԱԿՆԵՐ- Շաբաթվա սկզբին խորհուրդ է տրվում խնայել փողերը եւ խուսափել խոշոր գնումներից: Գայթակղիչ առաջարկություններ շատ կլինեն, բայց դրանք լուրջ չընդունեք: Շաբաթվա երկրորդ կեսին ուշադիր եղեք լսածի նկատմամբ եւ մի խուսափեք նոր ծանոթություններից:

ԽԵՑԳԵՏԻՆ- Շաբաթվա առաջին կեսին պետք է ակտիվ եւ վճռական լինեք: Ընդհանրապես իրադրությունն այնպես կդասավորվի, որ չեք կարողանա հանգստանալ: Շաբաթվա երկրորդ կեսին առաջին պլան կմղվի ֆինանսական խնդիրը: Պարտք կամ ընդհանրապես գումար կարող եք խնդրել ծնողներից: Խուսափեք տարբեր պայմանագրեր կնքելուց:

ԱՌՅՈՒԾ- Շաբաթվա սկզբին շրջապատի հետ ձեր հարաբերությունները խճճված կլինեն: Խուսափեք որեւէ լուրջ քայլ ձեռնարկելուց: Շաբաթվա երկրորդ կեսին կարող եք հետ բերել կորցրածը: Դուք հեշտությամբ գլուխ կհանեք ցանկացած լուրջ գործից եւ կդառնաք օրվա հերոսըª դրանով իսկ գրավելով նաեւ հակառակ սեռի ուշադրությունը, բայց առաջին պլան մղեք կարիերան, այլ ոչ թե անձնական կյանքը:

ԿՈՒՅՍ- Շաբաթվա սկզբին կլինեն ավելի շատ տհաճ անակնկալներ, որոնք կխառնեն ձեր ծրագրերը: Ծանոթները ձեր նկատմամբ վատ կտրամադրվեն: Շաբաթվա երկրորդ կեսը նույնպես հաճելի պահեր չի պարգեւում: Ձեզ հետ տեղի կունենան ֆանտաստիկ երեւույթներ: Ուշադիր եղեք երազների եւ նախանշանների նկատմամբ:

ԿՇԵՌՔ- Ձեր աշխատավայրում կլինեն մեծ փոփոխություններ, բայց պարզ չէª դրանից դուք կշահե՞ք: Ստիպված կլինեք պատասխանատու որոշումներ կայացնել եւ գործել վճռականորեն: Եթե շաբաթվա սկզբին ճիշտ որոշում կայացնեք, ապա երկրորդ կեսին կարող եք մասնագիտական բնագավառում հաջողություն ակնկալել: Հնարավորություն կստեղծվի մոտ ապագայում բարելավել ձեր նյութական վիճակը:

ԿԱՐԻՃ- Շաբաթվա սկիզբը կլինի բուռն եւ հագեցած: Հնարավոր է, որ ստիպված կլինեք նախաձեռնել շտապ եւ ծանր գործ: Մի շտապեք հրաժարվել դրանից, քանի որ դրանից հեշտությամբ գլուխ կհանեք: Շաբաթվա երկրորդ կեսը հարուստ կլինի իրադարձություններովª կապված ձեր մասնագիտական գործունեության հետ: Այս անգամ ձեզ կզարմացնեն գործընկերները:   

ԱՂԵՂՆԱՎՈՐ- Շաբաթվա սկզբին կունենաք վատ տրամադրություն եւ ինքնազգացողություն: Խուսափեք լուրջ քայլեր ձեռնարկելուց եւ պատասխանատու խոսակցություններից, զգույշ եղեք ճանապարհներին եւ փողոցում: Աշխատեք խուսափել խոշոր գնումներից: Շաբաթվա երկրորդ կեսին կարող եք համարձակորեն դիմել ղեկավարությանը որեւէ խնդրանքով կամ առաջարկով:       

ԱՅԾԵՂՋՅՈՒՐ- Որեւէ քայլ ձեռնարկելուց առաջ երկար մտածեք, քանի որ ձեր մտերիմները, գործընկերները կարող են խառնել ձեր ծրագրերը: Շաբաթվա երկրորդ կեսին ֆինանսների հետ կապված խնդիրներ կծագեն. աշխատավարձը կուշացնեն: Աշխատանքն այնքան էլ եկամուտ չի բերի: Հետեւեք ձեր առողջությանը:      

ՋՐՀՈՍ- Շաբաթը հոգսեր կպատճառի հատկապես կանանց կոլեկտիվում աշխատող տղամարդկանց: Տանը չեք կարող հանգստանալ, քանի որ ամեն ինչում ձեզ կմեղադրեն: Շաբաթվա երկրորդ կեսը կարող է ընտանեկան անհարթություններ բերել, բայց դա այն դեպքում, եթե ցանկանաք միայնակ լուծել ֆինանսական խնդիրները:

ՁԿՆԵՐ- Ընտանիք ունեցողներին խորհուրդ է տրվում շաբաթվա սկզբին ուշադիր լինել երեխաների նկատմամբ: Իսկ եթե երեխա չունեք, պատրաստ եղեք մտերիմ մարդու զարմանալի քայլին:  Խուսափեք մոլախաղերից: Շաբաթվա երկրորդ կեսին թե՜ աշխատավայրում, թե՜ տանը սպասվում է ձանձրալի առօրյա: