Իտալացի դաշնակահար Անտոնիո Կոնսալեսի համերգը, որը պիտի կայանար երեկ Օպերայի եւ բալետի ազգային ակադեմիական թատրոնում, երաժշտի վատառողջ լինելու պատճառով չի կայացել: Ավելին` նույնիսկ վիճաբանություն է տեղի ունեցել թատրոնի ճեմասրահում:
Օպերային թատրոնից "Իրավունքին" տեղեկացրին, որ ադմինիստրացիայի կողմից հանդիսատեսին նախապես տեղեկացվել է, որ դաշնակահարը ելույթ չի ունենալու, եւ ցանկացողները կարող են ներկա գտնվել առաջին գործողության համար նախատեսված "ԱԼԵԿՈ" օպերային, իսկ չցանկացողները` վերադարձնել տոմսերը. "Ինչ վերաբերում է նույն օրը երեկոյան թատրոնի ճեմասրահում տեղի ունեցած վիճաբանությանը, ապա խուլիգանական պահվածքը թույլ է տրվել թատրոնի աշխատակիցների հետ կապ չունեցող մի երիտասարդի կողմից, որը կասեցվել է թատրոնի անվտանգության աշխատակիցների կողմից: Այս միջադեպը որեւէ առնչություն չունի Ա. Կոնսալեսի չկայացած համերգի հետ, եւ թատրոնի տնօրինությունը հայցում է հանդիսատեսի ներողամտությունը",- "Իրավունքին" տեղեկացրին օպերային թատրոնից:
1
3116 դիտում
2
2453 դիտում
3
2367 դիտում
4
2109 դիտում
5
2007 դիտում
