Երեկ ԱԺ-ում քննարկվում է շահութահարկի մասին կառավարության ներկայացրած օրենքի նախագիծը: Իսկ խորհրդարանական ամբիոնից ելույթ ունեցողին զուգահեռ վազվզում ու հարցեր էր պարզում ԱԺ ՀԱԿ խմբակցության ղեկավար Լեւոն Զուրաբյանը: Ավելին` իր ելույթը ստիպված եղավ ընդմիջել ԱԺ "Ժառանգություն" խմբակցության պատգամավոր Թեւան Պողոսյանը, որպեսզի Լ. Զուրաբյանն ավարտի "փսփսալ" ՀՀ ֆինանսների նախարարի տեղակալ Վախթանգ Միրումյանի հետ: Ի դեպ, իրավիճակն անգամ չփրկեց ԱԺ փոխնախագահ Էդուարդ Շարմազանովի նկատողությունը. "Իհարկե, գնահատելի է Կառավարություն-ԱԺ երկխոսությունը, բայց լսեք ելույթ ունեցողին, որովհետեւ Ձեզ է ուղղված այն, պարոն Միրումյան":
Բայց մեկ է, Լ. Զուրաբյանը քիչ անց շարունակեց ինչ-որ հարցեր պարզել պարոն Միրումյանի հետ, ու էլի "կուժն ու կուլան" թափվեց հենց ֆինանսների փոխնախարար Միրումյանի գլխին: Այս անգամ Է. Շարմազանովն ավելի կոպիտ ասաց. "Պարոն Միրումյան, խնդրում եմ, որ լսեք, որովհետեւ պարոն Պողոսյանի ու բոլորի խոսքերն ուղղված են Ձեզ, ու Դուք իրենց պետք է լսեք, որպեսզի եզրափակիչ ելույթում անդրադառնաք: Ես բարձր եմ գնահատում, որ Դուք կարողանում եք միաժամանակ մի քանի գործողություն անել, բայց լսենք, որպեսզի իրար հարգենք": Այսքանից հետո էլ ոչինչ չէր մնում անել, միջադեպի հեղինակ Լ.Զուրաբյանին, քան "ծլկելն էր" ԱԺ դահլիճից:
1
3116 դիտում
2
2453 դիտում
3
2367 դիտում
4
2109 դիտում
5
2007 դիտում
