ՏԵՐ ՇՄԱՎՈՆ «ՉԵՄ ԿԱՐԾՈՒՄ, ՈՐ ՄԵՐ ԱԶԳՆ ԱՅՆՔԱՆ ԱՆԳՐԱԳԵՏ Է, ՈՐ ՄՈՌԱՑԵԼ Է ԻՐ ԱՆՑՅԱԼԸ»

ՏԵՐ ՇՄԱՎՈՆ «ՉԵՄ ԿԱՐԾՈՒՄ, ՈՐ ՄԵՐ ԱԶԳՆ ԱՅՆՔԱՆ ԱՆԳՐԱԳԵՏ Է, ՈՐ ՄՈՌԱՑԵԼ Է ԻՐ ԱՆՑՅԱԼԸ»

Երկու օր է  ինչ հայ հասարակությունը քննարկում է, որ Հայ Առաքելական եկեղեցին առաջիկա Տյառընդառաջի տոնը փետրվարի 13-ի փոխարեն տոնելու է փետրվարի 14-ին: Իսկ այն մարդիկ ովքեր անհամբեր սպասում են Սուրբ Վալենտինի տոնին` կարծիքներ են հայտնել, որ այդ օրը հատուկ է ընտրվել, որպեսզի չեղյալ հայտարարվեն վելանտինյան միջոցառումները: «Իրավունքի» հետ զրույցում տեր ՇՄԱՎՈՆ քահանա ՂԵՎՈՆԴՅԱՆԸ նախ զարմացավ այսպիսի կարծիքների եւ այն մարդկանց վրա, ովքեր ունակ են մտածելու, որ եկեղեցին կարող է փոխել իր ավանդական տոներԻ օրերը, ապա ասաց .«Չեմ կարծում, որ մեր ազգն այնքան անգրագետ է, որ մոռացել է իր անցյալը: Պարզապես  ջուր պղտորող մի քանի հոգի  կան, ովքեր  ցանկանում են ամեն կերպ սեւացնեն մեր տոները: Երբեւիցէ Հայ Առաքելական եկեղեցին իր տոները չի փոխել հանուն ինչ որ բան անելու: Մենք որեւէ մեկին որեւէ բան ապացուցելու խնդիր չունենք»:

Տեր Շմավոն քահանա Ղեվոնդյանը մեկ անգամ եւս բոլորին հիշեցրեց, որ ինչպես եկեղեցական բոլոր տոները, այնպես էլ Տյառընդառաջի տոնը  սկսվելու է  նախորդ օրվա երեկոյից`այսինքն փետրվարի 13-ին ժամը 17: 00-ից.«Շատ բնական է, որ եկեղեցական  յուրաքանչյուր մեծ տոնից առաջ, եկեղեցին կատարում է իր նախատոնակը, որի ընթացքում հնչում  են այդ օրվա շարականները: Բուն տոնական օրը նախատոնակի հաջորդ օրն է, երբ եկեղեցիներում մատուցվում է պատարագ: Այսպիսով`փետրվարի  14-ին  Առաքելական եկեղեցիներում  կմատուցվի Սուրբ եւ անմահ պատարագ, որի ավարտին Վեհափառ Հայրապետի տնօրինությամբ կօրհնվեն բոլոր նորապսակ զույգերը, ովքեր պսակադրվել են անցնող տարում: Ժողովրդական ավանդույթի համաձայն այդ օրը  եկեղեցիների բակերում վառվում է խարույկ, մարդիկ հավաքվում են խարույկի շուրջ եւ երգում շարականներ»,-ավելացրեց  քահանան:

ԶՎԱՐԹ ԽԱՉԱՏՐՅԱՆ