«ՈՒ ԿՅԱՆՔԸ ՍԿՍՎԵՑ…»

«ՈՒ ԿՅԱՆՔԸ ՍԿՍՎԵՑ…»

Ժամանակակից արվեստի թանգարանում փետրվարի 18-ին, ժամը 18:00 տեղի կունենա ՀՀ վաստակավոր նկարիչ, Քյոլն(KUK), Գերմանիա(ВВК) քաղաքների նկարիչների միության, ինչպես նաևUNESCO-ի անդամ, Մոսկովյան պուրակի ձևավորող և հեղինակ, Հայաստանի նկարիչների միության երիտասարդական միավորման նախագահ, «Դաշտադեմի ամրոց» ֆիլմի պրոդուսեր և նկարիչ ԱՆՆԱ ՀԱՐՈՒԹՅՈՒՆՅԱՆԻ «ՈՒ ԿՅԱՆՔԸ ՍԿՍՎԵՑ…» անհատական ցուցահանդեսը:

Աննա Հարությունյանը ծնվել է 1976 թ. Երևանում։  Սովորել է Գեղագիտական դաստիարակության կենտրոնում,  Հ. Կոջոյանի անվան նկարչական դպրոցում, Փ. Թերլեմիզյանի անվան գեղարվեստի ուսումնարանում, Գերմանիայի Դյուռեն քաղաքի Նորդ-Ռայն վեստֆալի Գեղարվեստի ակադեմիայի գեղանկարի բաժինում, եղել Դուսելդորֆի գեղարվեստի ակադեմիայի ազատ ունկնդիր: Աննա Հարությունյանը 1995 թ.-ից սկսած ունեցել է թե՛ անհատական, թե՛ խմբակային մի շարք ցուցահանդեսներ։ (1995, 1996, 1997, 1999թթ. անհատական՝ Գերմանիայի տարբեր քաղաքներում, 2000, 2002, 2006` Հայաստանում, 2011` Շվեցարիայում)։ 1997 թ. Փուլհայմ քաղաքում կազմակերպված «Երիտասարդ առաջադեմ նկարիչներ» մրցույթում  ճանաչվել է տարվա լավագույն արվեստագետներից մեկը։ 2001թ. մասնակցում է Art-Expo ցուցահանդեսում Տոկիոյում, ինչպես նաև Բեյրութում(Noyan Tapan Art gallery): Սույն թվականին մասնակցել է խմբակային ցուցահանդեսին, որը նվիրված էր Դանթեին Հայաստանում նկարիչների միության տանը և այդ նույն ցուցահանդեսը ցուցադրվել է Իտալիայում Ռավեննա քաղաքում, Դանթեիթանգարանում: Աննան ներկայացել է նաև մի շարք կոստյումների, դեկորացիաների ձևավորմամբ:

Դեռևս շարունակական է նկարչուհու աշխատանքային ձեռքբերումների ռեզյումեն, իսկ կտավները` այնքա՜ն խոսուն…

ԷԹԵՐԻ ՄԱՄՈՒԼՅԱՆ