Այսօր Ազգային ժողովում ՎՊ-ի 2013 թ-ի հաշվետվությունը, զարմանալիորեն ներկայացնում էր ոչ թե ՎՊ նախագահ Իշխան Զաքարյանը, այլ ՎՊ-ի խորհրդի անդամ Սեյրան Ավագյանը: Վերջինս նշեց, որ ՎՊ-նախագահը «կարեւոր» գործերով, բացակայում է հանրապետությունից: Մասնավորապես, թե ինչ գործերով եւ որտեղ է ՎՊ-ի ներկայացուցիչը չմանարամասնեց , միայն նշեց. «Չեմ կարող ասել` որտեղ է, բայց Դուք երեւի կռահում եք, թե որտեղ է»: Վերոնշյալից ելնելով, փորձեցինք ԱԺ պատգամավորներից հետաքրքրվել` արդյոք նրանք կռահեցին, թե որտեղ է Իշխան Զաքարյան: Եվ ահա, iravunk.com-ի այն հարցին, թե կռահեցին արդյոք պատգամավորները, թե որտեղ է ՎՊ նախագահ Իշխան Զաքարյանը, ԱԺ ՀՅԴ խմբակցության պտգամավոր Արծվիկ Մինասյանը այսպես պատասխանեց.«Չգիտեմ, եթե կարեւորագույն նշանակության հարց է` ուրեմն հնարավոր է Ղարաբաղում լինի կոնկրետ հարցերով, որովհետեւ եթե փառք Աստծո վատառողջ էլ չի, այլ բան չեմ կարողանում հասկանալ»: Աժ ՀՀԿ խմբակցության պատգամավոր Մանվել Բադեյանը, չնայած եւս չի կռահում, թե որտեղ է ՎՊ նախագահը, բայց «միտում» չի տեսնում: ՀՀԿ խմբակցության պատգամավոր Արման Սահակյանը առհասարակ չի էլ կարող պատկերացնել, թե որտեղ կլինի.«Պատկերացում անգամ չունեմ»: Իսկ ԲՀԿ խմբակցության պատգամավոր Ստեփան Մարգարյանը մեր հարցին հարցով պատասխանեց.«իսկ Դուք գիտե՞ք, ես չգիտեմ, չէի էլ կարող կռահել»: ՕԵԿ խմբակցության պատգամավոր Հովհաննես Մարգարյանը եւս տեղյակ չի, թե որտեղ կարող է լինել Իշխան Զաքարյանը.«Ըստ շրջանառվող լուրերի երկրում չի, բայց հստակ ասել չեմ կարող»:
1
3116 դիտում
2
2453 դիտում
3
2367 դիտում
4
2109 դիտում
5
2007 դիտում
