15-ԱՄՅԱ ԱՂՋԿԱ ԻՆՔՆԱՍՊԱՆՈՒԹՅԱՆ ՓՈՐՁԸ ԿԱՊՎԱ՞Ծ Է ԱՂԱՆԴԻ ՀԵՏ
Oրերս Կիեւյան կամրջից նետվելով ինքնասպանության փորձ կատարած Պռոշյան գյուղի 15-ամյա բնակչուհու այդ արարքի հետ կապված` գյուղում տարածվել են խոսակցություններ, թե երեխան գտնվել է աղանդավորական ազդեցությունների տակ: Մեզ հետ զրույցում անդրադառնալով այդ թեմայինª Պռոշյանի գյուղապետ Արթուր Մուրադյանն ասաց.
-Նման խոսակցություններ կան, որովհետեւ երեխան վերջին ամիսների ընթացքում դարձել էր ինքնամփոփ, դպրոցում, դասարանում ընկերներից անընդհատ մեկուսանում էր: Զգացել են, որ ինչ-որ բան կատարվում է երեխայի հետ, բայց չեն իմացել, որ ինքը աղանդավոր է, կամ ինչ-որ աղանդի է պատկանում: Սակայն վստահորեն կարող եմ ասել, որ իր ծնողները Հայ առաքելական եկեղեցու հետեւորդ են: - Այդ դեպքում, որտե՞ղ պետք է կարողանար աղանդավորների հետ կապեր ստեղծել: - Քաղաք պարապմունքների էր գնում` անգլերենի եւ հայերենի, եւ հենց այդ ժամանակ ինչ-որ բաներ են նկատել: Թե այդ ընթացքում ինչ ընկերներ է ձեռք բերել, ոչ ոքի դեռ պարզ չէ: Ամեն դեպքում, այս պահին գոնե Պռոշյանում աղանդի վարկածը համարվում է հիմնականը: Բայց դեռ սպասենք, թե ի՞նչ կասի պաշտոնական քննությունն այս մասին: Չէ՞ որ սա աղանդների ձեռքով մարդուն ինքնասպանության հասցնելու մասին ամենեւին էլ միակ լուրը չէ, չնայած չենք հիշում դեպք, որ նման դեպքերը մինչեւ վերջ բացահայտվեն: Բայց հուսանք, որ այս մեկը վերջապես կլինի բացառություն, հակառակ դեպքում, դեռ աղանդավորական հողի վրա մարդկային կորուստներ էլի կունենանք: Եվ չմոռանանք նշել, որ Կիեւյան կամրջից նետվելուց հետո ողջ մնալու այս փաստը անգամ բժիշկներն են հրաշք համարում: Աղջկա վիճակն արդեն գնահատվում է կայուն:
1
3110 դիտում
2
2453 դիտում
3
2353 դիտում
4
2093 դիտում
5
1987 դիտում
