ՌՈՒԲԼՈՒ ԳՆԱՆԿՈՒՄԸ ԱՐՏԱՀԱՆՄԱՆ ՈՐՈՇԱԿԻ ԽՆԴԻՐՆԵՐ Է ԱՌԱՋԱՑՐԵԼ
"Հունվարի 1-ից գործարարները կարող են առանց մաքսատուրքի իրենց ապրանքը տեղաշարժել դեպի ԵՏՄ տարածք: Պարզապես, ԵՏՄ տարածքում այսօրվա դրությամբ որոշակի արժեզրկումներ են գնում: Մասնավորապեսª ռուբլու արժեզրկման հետ կապված` ներկայումս առաջ են եկել լուրջ` հատկապես արտահանման առումով, բայց լուծելի խնդիրներ",- մեզ հետ զրույցում պատասխանելով հարցին, թե ապրանք արտահանող եւ ներկրող գործարարների համար կոնկրետ ինչ է փոխվել ԵՏՄ-ին անդամագրվելուց հետո, ասաց ԱԺ տնտեսական հարցերի մշտական հանձնաժողովի նախագահ ՎԱՐԴԱՆ ԱՅՎԱԶՅԱՆԸ:
- Խնդիրն այն է, որ ռուբլին արժեզրկվել է մոտ հարյուր տոկոսով, իսկ Ռուսաստան տարվող ապրանքները հարյուր տոկոսով թանկացման պարագայում կդառնան անմրցունակ: - Իսկ ի՞նչ պետք է անել այս պարագայում: - Աշխատել: - Պարոն Այվազյան, չնայած "Շրջանառության մասին" օրենքի կիրառումը կրկին հետաձգվեց, սակայն մանր ու միջին բիզնեսով զբաղվողները շարունակում են իրենց ակցիաները: Ինչո՞վ եք դա բացատրում: - Այ, եթե իմանամ, թե ինչն է իրենց ուզածը, այն ժամանակ կարող եմ պատասխանել: Պարզապես, այդ օրենքով պետության հիմնական, կոնցեպտուալ, քաղաքական մոտեցումն այն է, որ 58 միլիոն շրջանառություն ունեցող գործարարներին պետք է տրամադրել արտոնյալ կարգավիճակ: Բայց ստվերային շրջանառությունը պետք է ֆիքսվի: Մենք այս օրենքով պետք է կարողանանք օգնել այն մարդկանց, ովքեր ունեն այդ շրջանառությունը, այսինքնª փոքր եւ միջին բիզնեսինª այդ կերպ ջրի երես հանելով ստվերային շրջանառություն ունեցողներին:
1
3116 դիտում
2
2453 դիտում
3
2373 դիտում
4
2109 դիտում
5
2007 դիտում
