ԱՊՐԻԼԻ 23-ԻՆ ՏԵՂԻ ԿՈՒՆԵՆԱ ՀԱՅՈՑ ՑԵՂԱՍՊԱՆՈՒԹՅԱՆ 1,5ՄԼՆ ՆԱՀԱՏԱԿՆԵՐԻ ՍՐԲԱԴԱՍՄԱՆ ԿԱՐԳ

ԱՊՐԻԼԻ 23-ԻՆ ՏԵՂԻ ԿՈՒՆԵՆԱ ՀԱՅՈՑ ՑԵՂԱՍՊԱՆՈՒԹՅԱՆ 1,5 ՄԼՆ ՆԱՀԱՏԱԿՆԵՐԻ ՍՐԲԱԴԱՍՄԱՆ ԿԱՐԳ

Չորս հարյուր տարվա ընդմիջումից հետո Հայ Առաքելական եկեղեցին վերկանգնել է սրբադասման կարգը , որը համարվում է  հոգեւոր եւ պատմական մեծ իրադարձություն: Սրբադասման համար գործում է  չորս պայման`նահատակություն հավատքի եւ հայրենիքի համար, սրբակյացություն`սրբակենցաղ վարքը, հրաշքների առկայություն կենդանության օրոք կամ մահվան ժամանակ եւ հավատքի քարոզչություն:

Մայր Աթոռ Սուրբ Էջմիածնի Եկեղեցական հայեցակարգային հարցերի գրասենյակի տնօրեն տեր ԲԱԳՐԱՏ եպիսկոպոս ԳԱԼՍՏԱՆՅԱՆԻ խոսքով`կարգի վերականգնումից հետո Հայ Առաքելական եկեղեցին Հայոց ցեղասպանության 100-րդ տարելիցի նախաշեմին կկատարի Ցեղասպանության 1,5 մլն նահատակների սրբադասման արարողություն. «Այս տարվա ապրիլի 23-ին տեղի կունենա հավաքական սրբադասում: Այս առիթով հրավերներ կան ուղղված բոլոր եկեղեցիներին:  Արարողակարգին ներկա կլինեն մեր արեւելյան քույր եկեղեցիների պետերն իրենց պատվիրակություններով»,-նշեց  եպիսկոպոս Գալստանյանը:  Տեր Բագրատ եպիսկոպոսը նաեւ նկատեց, որ  հայ կամ այլ եկեղեցի սրբացում չի կատարում, այլ միայն սրբադասում է.«Կա այնպիսի կարծիք, որ եկեղեցին սրբացնում է, սակայն դա այյդպես չէ, սրբացնողը ժողովուրդն է իր վկայություններով , հետեւաբար եկեղեցինն միայն ճանաչողն է»,-ընդգծեց Տ. Բագրատ եպիսկոպոս Գալստանյանը:

Ցեղասպանությանը զոհ գնացած 1,5 մլն նահատակների սրբադասման կարգը տեղի կունենա Մայր Աթոռ Սուրբ  Էջմիածնում: Արարողակարգը կավարտվի ժամը 19:15, որը խորհրդանշական է: Այնուհետեւ կնհչի Տերունականը, որից հետո էլ աշխարհի տարբեր եկեղեցիներում  նույն ժամին կհնչի 100 զանգ:

ԶՎԱՐԹ ԽԱՉԱՏՐՅԱՆ