«ԱՌԱՆՁՆԱՊԵՍ ԾԱՆՐ ՀԱՆՑԱԳՈՐԾՈՒԹՅՈՒՆ ԿԱՏԱՐԱԾ ԴԱՏԱՊԱՐՏՅԱԼՆԵՐԻ ԹԻՎԸ ՆՎԱԶԵԼ Է»

«ԱՌԱՆՁՆԱՊԵՍ ԾԱՆՐ ՀԱՆՑԱԳՈՐԾՈՒԹՅՈՒՆ ԿԱՏԱՐԱԾ

ԴԱՏԱՊԱՐՏՅԱԼՆԵՐԻ ԹԻՎԸ ՆՎԱԶԵԼ Է»

ՀՀ ԱՆ ՔԿՀ-ներում դատապարտված եւ կալանավավորված անձանց նվազում է նկատվում. «Նվազումն առկա է նաեւ փակ եւ կիսափակ ռեժիմային տիպի հիմնարկներում, մասնավորապես, փակերը նվազել են 30-ով, իսկ կիսափակերը` 231-ով: Սա պայմանավորված էր, թերեւս, 2013 թ. իրականացված համաներման հետ: Դատապարտյալների թիվը ծանր եւ առանձնապես ծանր հանցագործություն կատարած անձանց մասով նույնպես նվազել է՛ 2014-ին 49 կալանավորված կին է եղել, իսկ 146 դատապարտված կին: Անչափահաս տղաները  11-ն էին, նույնքան էլ դատապարտված անձինք»,-ամփոփոելով 2014թվականը ասաց ՀՀ ԱՆ ՔԿՀՎ պետ ԱՐԹՈՒՐ ՕՍԻԿՅԱՆԸ:

Անդրադառնալով անցած տարի ՔԿՀ-ում կատարված աշխատանքներին, հանցագործությունների` մեծ թիվ կազմող թմրամիջոցների ապօրինի շրջանառության դեմ պայքարին ՔԿՀՎ պետը մասնավորապես նշեց.

- Ցավոք սրտի, դեռեւս քիչ չեն դեպքերը, երբ քրեակատարողական հիմնարկներ են թափանցում տարբեր տեսակի թմրանյութեր, թմրամիջոցներ եւ այլ արգելված առարկաներ: Հայտնաբերումների իմաստով ունենք դրական ցուցանիշ, շատ ավելի մեծ քանակությամբ արգելված առարկաներ ենք հայտնաբերել անցյալ տարի, ոգելից խմիչքներ, հեռախոսներ, թմրամիջոցներ: Քրեակատարողական ծառայությունում լայնամասշտաբ ուսումնասիրություններ են կատարվել, ծառայողական քննություններ, 2014թ-ին 157 քրեակատարողական ծառայողներ ենթարկվել են կարգապահական, ծառայողական պատասխանատվության, քսանչորս աշխատող ազատվել են աշխատանքից: Ովքեր օրենքից դուրս լիազորություններ են բանեցնում, կամ փորձում են շրջանցել օրենքը, պետք է ծառայությունից ազատվեն կամ նրանց նկատմամբ պետք է կիրառվեն խիստ կարգապահական բնույթի միջոցառումներ:

ԻԼՈՆԱ ԱԶԱՐՅԱՆ

Հ.Գ ՔԿՀՎ վարչության պետի` հանրության հուզող այլ հարցերի պատասխանները կարդացեք «Իրավուքի» վաղվա տպագիր համարում: