ՎԱԶԳԵՆ ՍԱՐԳՍՅԱՆ ՌԱԶՄԱԿԱՆ ԻՆՍՏԻՏՈՒՏԻՑ ԿՀԵՌԱՑՎԵՆ ԵՐԵՔ ՏԱՍՆՅԱԿ ԱՇԽԱՏԱԿԻՑՆԵՐ

ՎԱԶԳԵՆ ՍԱՐԳՍՅԱՆ ՌԱԶՄԱԿԱՆ ԻՆՍՏԻՏՈՒՏԻՑ ԿՀԵՌԱՑՎԵՆ ԵՐԵՔ ՏԱՍՆՅԱԿ ԱՇԽԱՏԱԿԻՑՆԵՐ

Երևանի Վազգեն Սարգսյանի անվան ռազմական ինստիտուտում հունվարի 29-ին տեղի ունեցած միջադեպը խիստ բարկացրել է Պաշտպանության նախարար Սեյրան Օհանյանին: Տեղի է ունեցել արտահերթ խորհրդակցություն, նաեւ գաղտնի մաս, որը չի հրապարակվել: Ըստ տեղեկությունների Սեյրան Օհանյանը հայտարարել է, որ ինստիտուտի ամբողջ ղեկավար կազմը փոխվելու է, պաշտոններից կհեռանան մոտ 3-4 տասնյակ անձինք՝ այդ թվում պետ, տեղակալներ, ամբիոնի պետեր, գումարտակի, վաշտի հրամանատություն, համալրման պատասխանատուներ, հոգեբաններ, այսինքն՝ բոլոր այն անձինք, որոնք ուղղակի կամ անուղղակի կապ են ունեցեծ տեղի ունեցածի հետ:

Ըստ որում՝ Սեյրան Օհանյանը շեշտել է, որ կապ չունի, թե այդ անձինք քրեական գործի շրջանակներում պատժի կարժանանա, թե ոչ:

Զինծառայող Հ. Բարսեղյանին սպանելու կասկածանքով ձերբակալվել են համածառայակիցներ՝ Վաչե Սահակյանը, Մովսես Ազարյանը, Գնել Թևոսյանը և Նորիկ Սահակյանը:

Հիշեցնենք, որ 2015 թվականի հունվարի 29-ին՝ ժամը 06:35-ի սահմաններում, Երևան քաղաքում տեղակայված N զորամասի մարզահրապարակում հայտնաբերվել է նույն զորամասի զինծառայող Հայկազ Արկադիի Բարսեղյանը՝ պտտաձողի վրա պարանով կախված վիճակում:

Դեպքի առթիվ ՀՀ քննչական կոմիտեի զինվորական քննչական գլխավոր վարչությունում հարուցվել է քրեական գործ՝ ՀՀ քրեական օրենսգրքի 104-րդ հոդվածի 2-րդ մասի 7-րդ կետով, ստեղծվել է քննչական խումբ։

Քրեական գործի շրջանակներում միջոցներ են ձեռնարկվում դեպքի բոլոր հանգամանքների բացահայտման, բազմակողմանի հետազոտման ուղղությամբ։