«ԱՅԼ ԿԵՐՊ» ՀՆԱՐԱՎՈՐ Է ՍՈՎՈՐԵԼ ԵՎ ԳՈՐԾԱԾԵԼ ՄԻԱՅՆ ՀԱՅԵՐԵՆ ԲԱՌԵՐ

«ԱՅԼ ԿԵՐՊ» ՀՆԱՐԱՎՈՐ Է ՍՈՎՈՐԵԼ ԵՎ ԳՈՐԾԱԾԵԼ

ՄԻԱՅՆ ՀԱՅԵՐԵՆ ԲԱՌԵՐ

Հայերեն բառերի գործածությունն ավելի ընդլայնելու, զարգացնելու եւ պահպանելու համար ստեղծվել է «Այլ կերպ» ինտելեկտուալ խաղը: Այլ կերպ ասաց, այն սեղանի ինտելեկտուալ խաղ է, որը նախատեսված է հայերեն կարդալ եւ բացատրվել կարողացող տարիքային բոլոր խմբերի համար: Խաղն արդեն երաշխավորվել է ՀՀ Լեզվի պետական տեսչության եւ հաստատվել ԿԳՆ կրթության ազգային ինստիտուտի կողմից՝ որպես հայերենի իմացությունը խթանող օժանդակ նյութ, որի շնորհիվ մարդկանց ուսուցանվում է խոսել հայերեն`առանց օտար բառերի:

«Այլ կերպ»-ի յուրահատկությունն այն է, որ չկա տարիքային սահմանափակում` կրտսեր սերնդից մինչեւ ավագ սերունց կարող է խաղալ, զվարճանալ եւ սովորել խոսել ու գործածել ճիշտ հայերեն:

Խաղը բաղկացած է 301 քարտից: Մասնակիցները բաժանվում են թիմերի: Թիմից մեկը (թե որ թիմը պետք է սկսի խաղը, կարող եք որոշել հին ու բարի մեթոդներով, օրինակ՝ «չինգաչունգ»-ով կամ «ոտք գցել»-ով)  քաշում է քարտը եւ իր թիմակիցներին բացատրում քարտի վրա գրված 7 բառերը: Յուրաքանչյուր գուշակած բառը 1 միավոր է: Առաջադրանքը կատարելու համար տրվում է 1 րոպե, որը հաշվվում է խաղին կից ավազե ժամացույցի միջոցով: Եթե քարտի բոլոր 7 բառերը գուշակել են, իսկ ժամանակը դեռ չի սպառվել, մասնակիցն իրավունք ունի հաջորդ քարտը վերցնել:

Բառերը կարող են բացատրվել տարբեր եղանակներով, օրինակ՝ օգտագործելով հոմանիշներ, հականիշներ, նկարագրել իրավիճակ և այլն: Յուրաքանչյուր քարտի մեջ ներառվել են եւ ՛ հեշտ, եւ ՛դժ վար  բացատրվող բառեր: Բառացանկում կան հայկական մշակույթի, կրոնի ու պատմության հետ առնչվող բառեր ու արտահայտություններ:

ԶՎԱՐԹ ԽԱՉԱՏՐՅԱՆ