ՊԵՐՄՅԱԿՈՎՆ ՕԳՏՎԵ՞Լ Է ՏԱՔՍՈՒՑ

ՊԵՐՄՅԱԿՈՎՆ ՕԳՏՎԵ՞Լ Է ՏԱՔՍՈՒՑ

Գյումրեցի տաքսու վարորդների շրջանակներում այս օրերին հետաքրքիր խոսակցություններ են պտտվում: Ըստ այդմª հունվարի 12-ին, այսինքնª ոճրագործության գիշերը զորամասից դուրս եկած մարդասպան Վալերի Պերմյակովը տաքսի ավտոմեքենա է նստել: Ըստ նշված խոսակցություններիª իր գործընկերներին ոճրագործության հենց հաջորդ օրը պատմել է այդ տաքսու վարորդըª ասելով նաեւ, որ մինչ այդ, տվյալ զինվորականն էլի է օգտվել իր ծառայություններից: Բայց այլ մանրամասներ այդ մասին տաքսու վարորդներն այլեւս չեն կարողացել պարզել, քանի որ դրանից հետո իրենց գործընկերոջը, որ մինչ այդ, ամեն օր իրենց հետ էր, այդպես էլ չեն տեսել:
Չբացառենք, որ սա եւս Գյումրու ոճրագործության շուրջ պտտվող բազում պարապ խոսակցություններից մեկն է: Բայց մյուս կողմից էլª չկա որեւէ հստակ տեղեկություն, թե Պերմյակովն ինչպես է զորամասից հասել քաղաքի կենտրոնական հատվածներª անցնելով 3-4 կմ: Եթե նա մինչ այդ պահակակետում էր եւ քաղաք էր գնացել "սամավոլկա", այսինքնª մինչ հերթապահության ժամկետի ավարտը վերադառնալու մտքով, ապա ավելի տրամաբանական կլիներ, որ նա տաքսիից օգտվեր: Ավելին. եթե անգամ նրա միտքը փախչելն էր, էլի տաքսին նրա համար ձեռնտու կլիներª քաղաքում անցանկալի հանդիպումներից խուսափելու համար: Եվ այս ամենի հետ մեկտեղª տաքսու նպատակահարմարության մի շարք այլ փաստարկներ եւս կարելի է բերել, ուստիեւ, մինչ կլինի որեւէ պարզաբանում, տաքսիի տարբերակը մեծ հավանականություն ունի: Ուստիեւª Քննչական կոմիտեի մամուլի խոսնակ Սոնա Տռուզյանին ուղղեցինք այն հարցը, թե Գյումրիի ոճրագործության փաստով հարուցված քրեական գործի շրջանակներում հարցաքննվե՞լ է արդյոք այն տաքսու վարորդը, ով Պերմյակովին հասցրել է Ավետիսյանների տուն ¥կամ այդ հատված¤:
- Դուք արդեն վերջնական եզրակացրել եք, որ ինքը տաքսիո՞վ է եկել: Քրեական գործով հարցաքննվել են մի շարք անձինք, սակայն քննության շահերից ելնելովª այլ մանրամասներ չենք կարող հրապարակել:
Այսպիսովª տաքսիի վարկածը ո՛չ հերքվեց, ո՛չ էլ հաստատվեց: Իսկ սա այս գործում կարող է ունենալ մեծ նշանակություն, քանի որ ուղղակիորեն կապված է այն առանցքային հարցի հետ, թե Պերմյակովն ինչո՞ւ էր հենց Ավետիսյանների տան մոտ հասել ու ներս մտել: Չէ՞ որ նա տաքսու վարորդին պետք է նշեր, թե ուր է ուզում գնալ:

ՔԵՐՈԲ ՍԱՐԳՍՅԱՆ
ԻԼՈՆԱ ԱԶԱՐՅԱՆ