ԱՐՈՆՅԱՆԻ ԱՆՀԱՋՈՂ ԵԼՈՒՅԹՆԵՐԻ ԲԱՑԸ ԼՐԱՑՐԵՑ ՍԱՄՎԵԼ ՍԵՎՅԱՆԸ

ԱՐՈՆՅԱՆԻ ԱՆՀԱՋՈՂ ԵԼՈՒՅԹՆԵՐԻ ԲԱՑԸ ԼՐԱՑՐԵՑ ՍԱՄՎԵԼ ՍԵՎՅԱՆԸ

Հոլանդիայի Վեյկ Ան Զեե քաղաքում ավարտվեց Tata Steel Chess սուպերմրցաշարը, որի տիտղոսը երրորդ անգամ նվաճեց շախմատի աշխարհի չեմպիոն Մագնուս Կարլսենը: Այս մրցաշարում հայ գրոսմայստեր Լեւոն Արոնյանը այդպես էլ չկարողացավ վերագտնել իր խաղն ու ցուցադրել լավագույն որակները:
Սուպերմրցաշարի 11-րդ տուրում Հայաստանի հավաքականի առաջատար Լեւոն Արոնյանը ոչ-ոքի խաղաց ուկրաինացի Վասիլի Իվանչուկի հետ: Նախավերջին` 12-րդ տուրում նույն արդյունքն էր ֆրանսիացի Մաքսիմ Վաշյե-Լագրավի հետ խաղում: Իսկ վերջին տուրում Լեւոն Արոնյանը սպիտակներով պարտվեց Դին Լիրենին եւ 5,5 միավորով լեհ Ռադոսլավ Վոյտաշեկի հետ բաժանեց 9-10-րդ տեղերը: Իսկ ահա մրցաշարի հաղթողը մրցաշարն ավարտեց 9 միավորով: Նորվեգացի գրոսմայստերին կեսական միավոր զիջեցին հոլանդացի Անիշ Գիրին, ֆրանսիացի Մաքսիմ Վաշյե-Լագրավը, չինացի Դին Լիրենը եւ ԱՄՆ-ը ներկայացնող Ուեսլի Սոնª բաժանելով 2-5-րդ տեղերը:
Շախմատի Հայաստանի հավաքականի առաջատարը 13 տուրերում հաղթեց միայն վրացի Բահադուր Ջոբավային, պարտվեց Մագնուս Կարլսենին, Ուեսլի Սոյին եւ Դին Լիրենին ու 9 պարտիա ավարտեց ոչ-ոքի: Ողջ մրցաշարի ընթացքում Արոնյանն իր ելույթներով սեփական խաղամակարդակի հետ կապված բազմաթիվ հարցեր առաջացրեց, քանզի անգամ թույլ մրցակիցների հետ հայ գրոստամայստերն իրեն հատուկ խաղը ցուցադրել այդպես էլ չկարողացավ: Ի դեպª Արոնյանն այս մրցաշարը հաղթել է չորս անգամª 2007, 2008, 2012 եւ 2014 թվականներին:
Ի դեպ, Վեյկ Ան Զեե-ի Tata Steel Chess շախմատային փառատոնի B մրցաշարում հանդես էր գալիս ԱՄՆ-ն ներկայացնող 14-ամյա հայազգի գրոսմայստեր Սամվել Սեւյանը, ով մրցակցելով ավելի փորձառու շախմատիստների հետª կարողացավ բավականին լավ արդյունք գրանցել: Սամվել Սեւյանը վերջին տուրում սպիտակներով հաղթեց հոլանդացի 63-ամյա գրոսմայստեր Յան Տիմանին եւ 13 հնարավորից վաստակելով 7,5 միավորª կիսեց 5-6-րդ տեղերը: B մրցաշարի հաղթողի տիտղոսը նվաճեց չինացի Վեն Յին, ով հավաքեց 10,5 միավոր: Նրան կես միավոր զիջեց երկրորդ տեղը գրաված Դավիդ Նավարան:

ՔՐԻՍՏԻՆԵ ՊԵՏՐՈՍՅԱՆ