ԳԱՌՆԻԿ ՄԱՐԳԱՐՅԱՆ. «ՔՈՉԱՐՅԱՆԸ ՄԱՐՏԻ ՄԵ՞Կ ԷՐ ՈՒԶՈՒՄ, ՆՈՐԻՑ ԶՈՀԵ՞Ր»

ԳԱՌՆԻԿ ՄԱՐԳԱՐՅԱՆ. «ՔՈՉԱՐՅԱՆԸ ՄԱՐՏԻ ՄԵ՞Կ ԷՐ ՈՒԶՈՒՄ, ՆՈՐԻՑ ԶՈՀԵ՞Ր»

«ՀԱՅՐԵՆԻՔ ԵՎ ՊԱՏԻՎ» կուսակցության նախագահ Գառնիկ Մարգարյանին «Իրավունքը» խնդրեց անդրադառնալ նախկին նախագահ Ռոբերտ Քոչարյանի հարցազրույցին եւ նրա մեջ պարունակող մեսիջներին:

Հիշեցնենք` Ռ. Քոչարյանը իր վերջին հարցազրույցում խոսել էր Գյումրիի դեպքերի ու Հայաստանի տնտեսական վիճակի մասին:

Գառնիկ Մարգարյանը հիշեցրեց, որ իրենք փաստերով անդրադարձել են` ինչպես են թալանվել մեր տնտեսությունը Ռ. Քոչարյանի ղեկավարման տարիներին. «Ինտերնետային կայքերում տպագրված կա Քոչարյանին պատկանող հանքերի, խանութների ու ունեցվածքի մասին, որոնք տարբեր մարդկանց անունով են գրանցված: Այսքանից հետո մեղադրել ուրիշին, դա առնվազն անհեթեթություն է»:

Անդրադառնալով  նախկին նախագահի այն հայտարարությանը, թե կայծակնային առանջանցիկ գործողություններ պետք է ձեռնարկեր իշխանությունը Գյումրիի դեպքերի ժամանակ, կուսակցության ղեկավարը նախ դեպքը սարսափելի համարեց, ապա հիշեցրեց, որ հունվարի 15-ին «Արեւմուտքի խառնակիչ ձեռքն է տեսել  բողոքի ակցիայի ժամանակ, որը փորձեց դաժան դեպքն օգտագործել` հայ-ռուսական հարաբերությունները  վատացնելու համար»: «Ռոբերտ Քոչարյանը նորից մարտի մե՞կ էր ուզում, նորից զոհե՞ր: Չպետք է դա լինի: Պետք է խելամիտ գործողություններ լինեն: Գյումրիում հունվարի 15-ին բողոքող Ժողովուրդը ճշմարիտ էր մի հարցում`  հանցագործը պետք է պատասխան տա ՀՀ-ում գործող  օրենքների համաձայն, քանի  որ ոճրագործությունը տեղի է ունեցել ռուսական 102-րդ ռազմաբազայից դուրս»,- մանրամասնեց պրն Մարգարյանը:

Ինչո՞ւ Ռոբերտ Քոչարյանը կայծակնային առաջանցիկ գործողություններ չէր անում մարտի մեկը կանխելու համար: Ի պատասխան կուսակցության ղեկավարն ասաց, որ  նման հայտարարությունը նախկին նախագահին բնորոշ է. «1999 թ. հոկտեմբերի 27-ի ողբերգությունը քողարկելու, աթոռին կառչելու համար Քոչարյանը դա  համարեց «ուչաստկովի» գործ, որը այդպես չէ, իհարկե:  Դա ծանր դեպք էր, որը մինչ հիմա բացահայտված չէ: Երբ «Պապլավոկ» սրճարանում մի մարդու ողնաշար էին կոտրել,  մարտի մեկ կազմակերպել, 2003 թ-ի ապրիլի 13-ի գիշերը  ժողովրդին գնդակոծել, նորից նույն ցինիզմն է խոսել»:

Հարցազրույցը շարունակությունը` հաջորդիվ`iravunk.com-ում:

ՍՈՆԱ ԴԱՎԹՅԱՆ