«ԵՍ ԾԱՌԻՑ-ՄԱՌԻՑ ԿՈՒՐՍԻ ՉԵՄ».ԾԱՂԿԻ ՍՐԱՀ`ԿԱՆԱՉ ՏԱՐԱԾՔԻ ՀԱՇՎԻ՞Ն

«ԵՍ ԾԱՌԻՑ-ՄԱՌԻՑ ԿՈՒՐՍԻ ՉԵՄ». ԾԱՂԿԻ ՍՐԱՀ`ԿԱՆԱՉ

ՏԱՐԱԾՔԻ ՀԱՇՎԻ՞Ն

Օրեր առաջ «Իրավունքն» անդրադարձել էր Եզնիկ Կողբացի փողոցում` «Ջելատո» սրճարանի հարեւանությամբ ընթացող շինաշխատանքներին, որոնք շրջապատված են «Ավելի բարեկարգ Երեւան» ցուցապաստառով:   Քաղաքապետարանի հասարակայնության եւ լրատվության բաժնի ղեկավար Արթուր Գեւորգյանը, սակայն, որքան էլ զարմանալի թվա, օրեր առաջ մեզ հայտնեց, որ տեղյակ չէ` ինչ շինարարության մասին է խոսքը: «Իրավունք»-ին հաջողվեց պարզել, որ այդ տարածքը  քաղաքապետարանից աճուրդով գնել է «Վան» մոթելի տնօրեն Վահագն Վանթյանը:

Մեզ հետ զրույցում պրն  Վանցյանը ասաց, որ  պատրաստվում է այդ տարածքում կառուցելու ծաղկի սրահ: Հարցին` իսկ ինչու է այդ ամենը արվում  խնամքով արմատախիլ արված ծառերի ու կանաչ տարածքի հաշվին, «Վան» մոթելի տնօրենի խոսքով`  ինքը տեղյակ չէ`  խոսքն ինչի մասին է:  «Ես ծառից-մառից ընդհանրապես կուրսի չեմ: Եթե ուրիշ  կարեւոր հարց կա, տվեք  պատասխանեմ»,- եզրափակեց պրն Վանթյանը:

Հարցի առնչությամբ գրավոր հարցում ենք ուղարկել քաղաքապետարան: Պատասխանը ստանալուն պես կհրապարակենք:

Հ.Գ. Պարոն Վանթյան, Դուք գուցե չեք «տեսել», բայց  մենք գրեթե ամեն օր այդ  վայրով ենք անցնում ու կարող ենք փաստել`տարածքը եղել է կանաչապատ ու ծածկված մի քանի ծառերով:

ՍՈՆԱ ԴԱՎԹՅԱՆ