«ՊԵՏՔ ՉԷ ԱՌԱՆՑ ՀԻՄՔԻ ՈՐԵՎԻՑԵ ՏԵՍԱԿԵՏ ԴՈՄԻՆԱՆՏ ԴԱՐՁՆԵԼ»
Արխիվ 12-16
«ՊԵՏՔ ՉԷ ԱՌԱՆՑ ՀԻՄՔԻ ՈՐԵՎԻՑԵ ՏԵՍԱԿԵՏ ԴՈՄԻՆԱՆՏ ԴԱՐՁՆԵԼ»
Դեռեւս շարունակվում է Գյումրիում հունվարի 12-ին դաժանաբար սպանված Ավետիսյանների ընտանիքի սպանության նախաքննությունը: Թեպետ առ այսօր միակ կասկածյալը ռուս զինծառայող Վալերի Պրեմյակովն է, սակայն շարունակվում են տարաբնույթ տեսակետներ շրջանառվել: Այդ թվում մի շարք վերլուծաբաններ գտնում են, որ տեղի ունեցածն ունի իր պատվիրատուն եւ պատահական չէ, ինչպես վերջին օրերին սահմանում տիրող լարվածությունը, այնպես էլ Թուրքիայի նախագահի ցինիկ հրավերը ՀՀ նախագահին` ապրիլի 24-ին մասնակցելու իրենց երկրում կայանալիք ինչ-որ հնարովի միջոցառման: Ի վերջո, թե Գյումրիի դեպքերի սլաքները դեպի ո՞ր երկիր են ուղղվում, «Իրավունքը» փորձեց պարզել ԱԺ ՀՀԿ խմբակցության պատգամավոր ՍԱՄՎԵԼ ՆԻԿՈՅԱՆԻ տեսակետը.
-Ես որեւիցե սլաք չեմ էլ ուզում տեսնել, որովհետեւ եթե լինի որեւէ փաստ, հիմք, որ կարելի է սլաք տեսնել, կտեսնեմ եւ կբարձրաձայնեմ: Բայց փաստ չտեսած ինչ-որ սլաքներ ուղղելը, նշանակում է ապակողմնորոշում առաջին հերթին նախաքննական մարմնին: Եվ երկրորդ` եթե նույնիսկ այդ սլաքը դարձնում են հանրային ընկալում, հետո նախաքննական մարմինը այլ ապացույցներ է ձեռք բերում եւ դատական մարմինները դատում են նրան այլ ձեւով, անվստահություն է առաջանում դատական մարմինների նկատմամբ: Դրա համար պետք չէ առանց հիմքի որեւիցե տեսակետ դոմինանտ դարձնել:
ՀՐԱՆՏ ՍԱՐԱՖՅԱՆ
1
3110 դիտում
2
2453 դիտում
3
2362 դիտում
4
2109 դիտում
5
2007 դիտում
