ՆԱԽԿԻՆ ՊՆ ՓՈԽՆԱԽԱՐԱՐ. «ՌՈՒՍԱԿԱՆ ԲԱԶԱՆ ՀԱՆԵԼՈՒ ԿՈՉԵՐ ԱՆՈՂՆԵՐԸ ՉԵՆ ԳՆԱԼՈՒ ՊԱՀԵՆ ՀԱՅ-ԹՈՒՐՔԱԿԱՆ ՍԱՀՄԱՆԸ»
Արխիվ 12-16
ՆԱԽԿԻՆ ՊՆ ՓՈԽՆԱԽԱՐԱՐ. «ՌՈՒՍԱԿԱՆ ԲԱԶԱՆ ՀԱՆԵԼՈՒ ԿՈՉԵՐ ԱՆՈՂՆԵՐԸ ՉԵՆ ԳՆԱԼՈՒ ՊԱՀԵՆ ՀԱՅ-ԹՈՒՐՔԱԿԱՆ ՍԱՀՄԱՆԸ»
Արդյոք ռուսական ռազմաբազան պետք է Հայաստանին, որքանով են ռազմաբազայի` Հայաաստանից հանելու կոչերն իրոք մեր հասարակության ցանկությունԸ, թե սադրանք` այս թեմայով այսօր իր կարծիքը հայտնեց ՊՆ նախկին փոխնախարար Վահան Շիրխանյանը:
Նախկին պաշտոնյան հիշեցնում է`1990-ականներին ոչ ոք չէր խոսում` ռուսական ռազմաբազայի տված օգուտի կամ վնասի մասին: «Երբ որոշ մարդիկ խոսում են ռուսական ռազմաբազան հանելու մասին, կամ թե մեր ինչին է պետք այդ բազան, բա ինչու չեն ասում ` մեր ինչին են պետք ռուս սահմանապահները: Նման կերպ խոսողները լավ գիտեն, որ իրենք չեն գնալու հայ-թուրքական սահմանը պահեն»,- վստահ է Վահան Շիրխանյանը:
ՊՆ նախկին փոխնախարարը հիշեցրեց, որ մեր հարեւան Թուրքիայում տեղակայված են ամերիկյան բազաները, որոնք փրկեցին Թուրքիան կործանումից: «Եթե Թուրքիան չանդամակցեր ՆԱՏՕ-ին, ապա ԽՍՀՄ-ը որոշել էր մուտք գործեր Թուրքիա»,- ասաց Շիրխանյանը:
Ինչ վերաբերում է վերջին օրերին հայ-ադրբեջանական սահմանում տիրող լարվածությանն ու ՀԱՊԿ-ի պասիվությանը, ասուլիսի մյուս բանախոս, բլոգեր Տիգրան Քոչարյանը հիշեցրեց, որ Հայաստանը պետք է պաշտոնապես դիմի ՀԱՊԿ-ին`օգնության խնդրանքով:
ՍՈՆԱ ԴԱՎԹՅԱՆ
1
3116 դիտում
2
2453 դիտում
3
2367 դիտում
4
2109 դիտում
5
2007 դիտում
