ՄԵՂԱԴՐՈՂԻ ՃԱՌՈՎ ԿԱՍԿԱԾԻ ՏԱԿ ԴՐՎԵՑ ԴԵՐԱՍԱՆԻ ՍԹԱՓ ՎԻՃԱԿՈՒՄ ԳՏՆՎԵԼԸ

ՄԵՂԱԴՐՈՂԻ ՃԱՌՈՎ ԿԱՍԿԱԾԻ ՏԱԿ ԴՐՎԵՑ ԴԵՐԱՍԱՆԻ

ՍԹԱՓ ՎԻՃԱԿՈՒՄ ԳՏՆՎԵԼԸ

2013 թվականի հոկտեմբորի 20-ին Եղվարդ-Երեւան ճանապարհին տեղի ունեցած խոշոր ավտովթարի եւ երկու երիտասարդների մահվան պատճառ դարձած Վարդան Պետրոսյանի գործով դատավարությունը մոտենում է ավարտին: Իսկ, թե ինչպես է գնահատում դատավարության ընթացքը տուժող կողմը, փորձեցինք պարզել Հակոբյանների փաստաբան ՌՈՒԲԵՆ ԲԱԼՈՅԱՆԻՑ, ով iravunk.com-ի հետ զրույցում ասաց.

- Ես դատավարության ընթացքը նորմալ եմ գնահատում: Իմ միակ դժգոհությունը այն է, որ ողջ դատավարության ընթացքում ինձ հնարավորություն չտրվեց, որպեսզի իմ միջնորդությունը բավարվի: Ըստ որի, ի վերջո հասկանայինք բժշկական փաստաթողթերը կեղծվել են, թե ոչ: Եթե դատարանը բավարար իմ միջնորդությունները, բնականաբար, մենք այսօր կունենայինք որոշակի փորձագետների եզրակացություններ եւ մեր մոտ համոզմունք կառաջանար, թե վթարի պահին ալկոհոլ օգտագործած վիճակում է գտնվել դերասանը, թե ոչ: Ի դեպ մեղադրողը եւս իր ճառի սկզբում նշեց, որ խմածության վերաբերյալ փաստաթղթերով նախքննությունը թերի է կատարված: Եվ այն արձանագրությունը, որը, որ վկայում է այն մասին, որ Վարդան Պետրոսյանը գտնվել է սթափ վիճակում կասկածի տակ դրվեց:  Այսինքն այսօր գործի մեջ չկա որեւէ փաստաթուղթ, թե Վարդան Պետրոսյանը վթարի պահին սթափ վիճակում է գտնվել, թե ոչ:

ԻԼՈՆԱ ԱԶԱՐՅԱՆ