ՍԻՄ ՆԱԽԱԳԱՀՈՒԹՅՈՒՆԸ ԴԱՏԱՊԱՐՏԵՑ ՍԱԴՐԻՉՆԵՐԻ ԱԶԳԱԴԱՎ ԳՈՐԾՈՒՆԵՈՒԹՅՈՒՆԸ

ՍԻՄ ՆԱԽԱԳԱՀՈՒԹՅՈՒՆԸ ԴԱՏԱՊԱՐՏԵՑ ՍԱԴՐԻՉՆԵՐԻ

ԱԶԳԱԴԱՎ ԳՈՐԾՈՒՆԵՈՒԹՅՈՒՆԸ

Այսօր տեղի ունեցավ «Սահմանադրական Իրավունք Միություն» կուսակցության նախագահության այս տարվա անդրանիկ նիստը, որտեղ քննարկվեց երկրում ստեղծված իրավիճակը:

Նշվեց, որ Գյումրիում սարսափելի հանցագործությունից հետո, իրենց սադրիչ գործունեությամբ հայտնի, արեւմտյան շահերի սպասարկող շրջանակները փորձեցին կազմակերպել անկարգություններ, հարձակումներ Ռուսաստանի դիվանագիտական ու զինվորական հաստատությունների վրա, ինչը հանգեցրեց բախումների ոստիկանության հետ: ՍԻՄ Նախագահությունը դատապարտեց ազգամիջյան թշնամանքի սերմանման եւ երկրում իրավիճակի սրման փորձերը: Հատուկ ուշադրություն դարձվեց արտասահմանից ֆինանսավորվող որոշ ԶԼՄ-ների ու Հասարակական կազմակերպությունների, ինչպես նաեւ համացանցում գործող վարձու խմբերի ազգադավ, սադրիչ դերակատարության վրա: Նման «մայդանային» տեխնոլոգիաների կիրառումը առավել վտանգավոր է դառնում աշխարհում, եւ հատկապես Հայաստանի շուրջ բարդացող աշխարհաքաղաքական իրավիճակում, Արցախի սահմաններում լարվածության կտրուկ աճի պայմաններում:

ՍԻՄ Նախագահությունը որոշեց ԶԼՄ-ների մասի օրենքում փոփոխություններ կատարելու առաջարկության վերաբերյալ կազմակերպել քննարկում եւ հաջորդ նիստին ներկայացնել կոնցեպցիան: Որոշվեց ԱԺ-ում հանդես գալ հարցմամբ Հայաստանում ՀԿ-ների աշխատանքների ու ֆինանսական աղբյուրների թափանցիկության վերաբերյալ: Հանձնարարվեց ուսումնասիրել իրավապահ մարմիններին, ԶԼՄ-ներում ու համացանցում ազգամիջյան թշնամանք սերմանելու կապակցությամբ, կազմակերպիչներին պատասխանատվության ենթապկելու պահանջով,  հարցում կատարելու  նպատակահարմարությունը:

«Սահմանադրական Իրավունք Միություն» կուսակցության լրատվական ծառայություն