ԾԱՂԿԱՁՈՐՈՒՄ ԱՎԱՐՏԻՆ Է ՄՈՏԵՆՈՒՄ ԴԱՀՈՒԿԱՎԱԶՔԻ ՀԱՅԱՍՏԱՆԻ ԱՌԱՋՆՈՒԹՅՈՒՆԸ.ՕՐՎԱ ԱՐԴՅՈՒՆՔՆԵՐԸ

ԾԱՂԿԱՁՈՐՈՒՄ ԱՎԱՐՏԻՆ Է ՄՈՏԵՆՈՒՄ ԴԱՀՈՒԿԱՎԱԶՔԻ ՀԱՅԱՍՏԱՆԻ ԱՌԱՋՆՈՒԹՅՈՒՆԸ.ՕՐՎԱ ԱՐԴՅՈՒՆՔՆԵՐԸ

Այսօր՝ հունվարի 16-ին, Ծաղկաձորում ընթացող դահուկավազքի ՀՀ առաջնությանը տղամարդիկ պայքարել են 10 կմ, իսկ կանայք`5 կմ դասական ոճում: 10 կմ դասական ոճում տղամարդկանց պայքարում առաջին տեղում Սերգեյ Միքայելյանն էր (ԲԿՄԱ-Աշոցք), երկրորդում՝ Արթուր Եղոյանը (Աշոցք), իսկ երրորդում՝ Միքայել Միքայելյանը (Աշոցք):  5 կմ դասական ոճում կանանց պայքարում առաջին տեղը գրավել է Աննա Մխիթարյանը (Գյումրի), 2-րդ տեղը զբաղեցրել է Կատյա Գալստյանը (Գյումրի), իսկ երրորդը՝ Լիլիթ Տոնոյանը (Գյումրի): Նշենք, որ երեկ՝ հունվարի 15-ին անցկացված 1100 մետր արագավազքի մրցումներում տղամարդկանց պայքարում հաղթող է դարձել Արթուր Եղոյանը (Աշոցք), երկրորդ տեղը զբաղեցրել է Արտուշ Մկրտչյանը (Գյումրի), իսկ երրորդը՝ Շավարշ Գասպարյանը: Կանանց պայքարում հաղթել է Աննա Մխիթարյանը (Գյումրի), 2-րդ տեղը զբաղեցրել է Կատյա Գալստյանը (Գյումրի), իսկ երրորդը՝ Լիլիթ Տոնոյանը (Գյումրի): Տեղեկատվությունը՝ Հայաստանի սպորտի եւ երիտասարդության հարցերի նախարարությունից:

ՔՐԻՍՏԻՆԵ ՊԵՏՐՈՍՅԱՆ