ԻՍԼԱՄԸ`ՍԵՓԱԿԱՆ ԲԻԶՆԵՍ ԱԴՐԲԵՋԱՆԻ ՀՈԳԵՎՈՐ ԱՌԱՋՆՈՐԴԻ ՀԱՄԱՐ

ԻՍԼԱՄԸ`ՍԵՓԱԿԱՆ ԲԻԶՆԵՍԻ ԱՂԲՅՈՒՐ ԱԴՐԲԵՋԱՆԻ ՀՈԳԵՎՈՐ ԱՌԱՋՆՈՐԴԻ ՀԱՄԱՐ

«Բոլորս էլ գիտենք, որ Սիրիայում մարտնչում են ադրբեջանցի ջոկատներ, որոնք Սիրիայում կատարել են տարբեր սպանություններ եւ պայթեցրել Հալեպի հայկական եկեղեցին»,- «Իրավունքի» հետ զրույցում ասաց ադրբեջանահայերի ասամբելայի նախագահ, ադրբեջանագետ Գրիգորի Այվազյանը` անդրադառնալով այն  կարծիքին, թե  ծայրահեղ իսլամիստները քաոսային իրավիճակ կստեղծեն Ադրբեջանում:

Ադրբեջանագետի խոսքով` Ադրբեջանը թե՛ գաղտնի, թե՛ անթաքույց վաղուց է համագործակցում իսլամիստների հետ. «Հայտնի է, որ ադրբեջանական տարբեր  ջոկատներ կռվում են Սիրիայում, գործում բազմաթիվ սպանություններ: Հալեպի հայկական եկեղեցու պայթեցումը ադրբեջանա-թուրքական ջոկատների ձեռքի գործն է: Ամենամեծ վտանգը մեզ համար այն է, որ Բաքվի իշխող վարչակազմը տարատեսակ ահաբեկչական գործողություններ իրականացնի ՀՀ-ի դեմ իսլամիզի անվան տակ: Ավելին` իսլամիստները վաղուց են բուն դրել Բաքու»:

Ադրբեջանի հոգեւոր առաջնորդ, իշխանությանը վաճառված Ալլահշուքյուր Փաշազադեն, Այվազյանի խոսքով, ճնշում է Ադրբեջանում գործող  կրոնական տարբեր կազմակերպություններին: «Մեզ համար շահեկան կլինի, եթե մահմեդական երիտասարդները ոտքի կանգնեն ու  պաշտպանեն նաեւ իրենց կրոնական ազատությունները: Իսկական մահմեդականներն Ադրբեջանում ճնշվում են իշխանության կողմից»,- կարծում է Այվազյանը, ապա հավելում. «Իսլամը Ադրբեջանում Փաշազադեն սեփական բիզնեսի է վերածել»:

ՍՈՆԱ ԴԱՎԹՅԱՆ