Արտակարգ իրավիճակ հենց Չարբախի ՀՀ ԱԻՆ «911» ծառայությունում

Այսօր` ժամը 22:00-ին, արտակարգ իրավիճակ գրանցվեց հենց Չարբախի ՀՀ ԱԻՆ «911» ծառայությունում, բայց այս անգամ ոչ թե հրդեհ էր բռնկվել ինչ-որ մեկի բնակարանում, այլ ահազանգը խիստ տոնական էր: Գիշերային հերթափոխ իրականացնող փրկարարներին այցելեցին ո՛չ ավել, ո՛չ պակաս Ձմեռ պապն ու Ձյունանուշը: Իհարկե, տղաների համար որքան էլ անսպասելի էր մանկության սիրելի պապիկի այցը, նույնքան էլ հաճելի էր: Ավելին` նրանցից մի քանիսն անգամ` պատասխանելով Ձմեռ պապի հանելուկներին արժանացան նվերների: Ի դեպ, Ձմեռ պապը ցանկացավ փրկարարներին շարունակել լինել աշխատանքում զգոն, միեւնույն ժամանակ դեռ չամուսնացածներին հորդորեց ամուսնանալ եւ, իհարկե, մաղթեց խաղաղ ծառայություն` վստահեցնելով, որ այս գիշեր միակ արտակարգ իրավիճակը իր եւ Ձյունանուշի այցն է լինելու: «Իրավունքը», որը պատահական ճիշտ ժամանակին ճիշտ տեղում էր հայտնվել, այցի մասին փորձեց մանրամասներ իմանալ նախ Ձմեռ պապից. «Ես արդեն 20 տարի է` Ձմեռ պապ եմ ու ամենուր փորձում եմ ուրախություն, հաճելի պահեր պարգեւել թե՛ մեծերին, թե՛ փոքրերին: Եվ անցնելով այս կողմով` ես եւ Ձյունանուշը մեր պարտքը համարեցինք անպայման շնորհավորել մեր փրկարարներին, ովքեր այս տոնական օրերին իրենց կարեւոր աշխատանքն են կատարում»: Ձմեռ պապի թոռնուհին` Ձյունանուշը, նույնպես անկեղծացավ. «Իրականում սա զուտ աշխատանք չէ, այլ բարեգործություն, եւ ես ու Ձմեռ պապը հաճախ ենք մեր ճանապարհին տարբեր հաստատություններ ու մարդկանց այցելում, ուղղակի, ժպիտներ ու բերկրանք պարգեւելու համար»:

Այո՛, անգամ մեր օրերում հանդիպում են իսկական հեքիաթային Ձմեռ պապեր ու Ձյունանուշեր, ովքեր պատրաստ են առանց որեւէ նյութական շահ ակնկալելու գունավորել ամենքի օրը:

Նյութը եւ լուսանկարները` ՀՐԱՆՏ ՍԱՐԱՖՅԱՆԻ

Այս թեմայով ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Շնորհիվ բկ-ի սրտացավ տնօրենի՝ այստեղ առաջին բուժօգնությունը իրականացվում է վարկյանների ընթացքում՝ անկախ սոցիալական կարգավիճակից ԱՄՆ-ն ցանկանում է ավարտել ուկրաինական պատերազմը մինչև ձմեռ Այո՛, իմ իրավապաշտպան գործունեության ընթացքում նման դեպքերի ականատես եղել եմ, ինչպես առաջին,այնպես էլ երկրորդ ,երրորդ նախագահների օրոք. ԲԱՑԱՌԻԿ Դատարանը կարող է հրաժարվել գործը քննելուց միայն օրենքով նախատեսված հիմքով, բայց չի կարող հրաժարվել արդարադատություն իրականացնելուց