«ԵՏՄ ԱՆԴԱՄԱԿՑՈՒԹՅԱՆ ՊԱՅՄԱՆՆԵՐՈՒՄ ՆՈՐ ՀԵՌԱՆԿԱՐՆԵՐ ԵՆ ԲԱՑՎԵԼՈՒ ՄԵՐ ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆ ՀԱՄԱՐ»
Արխիվ 12-16
«ԳԱԼԻՔ ՏԱՐՈՒՄ ԵՏՄ ԱՆԴԱՄԱԿՑՈՒԹՅԱՆ ՊԱՅՄԱՆՆԵՐՈՒՄ ՆՈՐ ՀԵՌԱՆԿԱՐՆԵՐ ԵՆ ԲԱՑՎԵԼՈՒ ՄԵՐ ԵՐԿՐԻ ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆ ՀԱՄԱՐ»
ՀՀ գյուղատնտեսության նախարար ՍԵՐԳՈ ԿԱՐԱՊԵՏՅԱՆԸ Ամանորի եւ Սուրբ ծննդյան տոների առթիվ տոնական ուղերձ է հղել` անդրադառնալով սկսած մշակից մինչեւ գործարար: Նախարարի տոնական բարեմաղթանքում` մասնավորապես սպսաված է.
«Ամանորի եւ Սուրբ ծննդյան տոների կապակցությամբ ջերմորեն շնորհավորում եմ հանրապետության հողագործներին, անասնապահներին, գյուղատնտեսության բնագավառի մասնագետներին, գիտնականներին, գյուղատնտեսական հումք վերամշակողներին եւ գործարարներին, ովքեր շարունակում են նախանձելի նվիրումով ու եռանդով բարիք արարել ու շենացնել հայրենի գյուղը:
Անցնող 2014 թվականը, չնայած բնակլիմայական անակնկալներին, գյուղացու համառ ու քրտնաջան աշխատանքի շնորհիվ դարձավ նոր ձեռքբերումների, հաջողությունների ու առաջընթացի տարի:
Մենք լավ ենք գիտակցում, որ այսօր գյուղատնտեսության ոլորտի առջեւ ծառացած խնդիրները բազմազան են եւ առանձնահատուկ հոգածության, ամենօրյա ուշադրության կարիք ունեն, ուստի այսուհետ եւս գյուղացու հոգսը թեթեւացնելու նպատակով շարունակվելու է պետական աջակցությունն ու օժանդակությունը:
Լիահույս եմ, որ գալիք տարում Եվրասիական տնտեսական միությանն անդամակցության պայմաններում նոր հեռանկարներ են բացվելու մեր երկրի գյուղատնտեսության զարգացման համար: Միության մեծ ու տարողունակ շուկան անսահմանափակ հնարավորություններ կարող է ստեղծել թարմ ու վերամշակված գյուղատնտեսական արտադրանքի շահավետ պայմաններով իրացման եւ մեր գյուղացիական տնտեսությունների համար կայուն եկամուտների ապահովման գործում:
Եվ այսօր, ձեր աշխատանքի նկատմամբ ունեցած մեծագույն հարգանքով ու երախտիքով, մաղթում եմ առողջություն, երջանկություն, լավատեսություն ու բարօրություն:
Թող Նոր տարին մեր երկրի ու հայ ժողովրդի համար լինի խաղաղության, կայունության ու հզորացման, իսկ հողի մշակի համար` առատ բերք եւ բարիքի տարի:
Աստված մեզ պահապան»:
ՀՐԱՆՏ ՍԱՐԱՖՅԱՆ
1
3116 դիտում
2
2464 դիտում
3
2373 դիտում
4
2109 դիտում
5
2007 դիտում
