ԿԱՐԵՆ ԱՂԱՄԱԼՅԱՆԸ՝ ԲՌՆՑՔԱՄԱՐՏԻ ԵՐԻՏԱՍԱՐԴԱԿԱՆ ՀԱՎԱՔԱԿԱՆԻ ԱՎԱԳ ՄԱՐԶԻՉ

ԿԱՐԵՆ ԱՂԱՄԱԼՅԱՆԸ՝ ԲՌՆՑՔԱՄԱՐՏԻ ԵՐԻՏԱՍԱՐԴԱԿԱՆ ՀԱՎԱՔԱԿԱՆԻ ԱՎԱԳ ՄԱՐԶԻՉ

Հայաստանի բռնցքամարտի ֆեդերացիայի մամուլի ծառայությունից հայտնում են, որ Հայաստանի բռնցքամարտի ֆեդերացիայի նախագահ Արթուր Գևորգյանի հրամանով բռնցքամարտի Հայաստանի երիտասարդական հավաքականի ավագ մարզիչ է նշանակվել Կարեն Աղամալյանը՝ փոխարինելով Վազգեն Բադալյանին: Կարեն Աղամալյանի հետ ռոտացիոն կարգով կնքվել է մեկ տարվա պայմանագիր:

Կարեն Աղամալյանը ծնվել է 1958 թվականի դեկտեմբերի 7-ին:

1999 թվականին ստացել է ՀՀ վաստակավոր մարզչի կոչում:

2004- 2011 թվականներին եղել է բռնցքամարտի Հայաստանի մեծահասակների հավաքականի երկրորդ մարզիչ:

2012-2013 թվականներին գլխավորել է բռնցքամարտի Հայաստանի մեծահասակների հավաքականը:

Մարզչական գործունեությունում ցուցադրած արդյունքների համար 2014թ-ին ՀՀ նախագահի խողմից պարգևատրվել է «Երախտագիտության» մեդալով:

Կարեն Աղամալյանի սաներից 13-ը աշխարհի ու Եվրոպայի առաջնություններից Հայաստան են բերել տարբեր հարգի մեդալներ: Նրա սաներից են եղել Եվրոպայի կրկնակի չեմպիոն Ազատ Հովհաննիսյանը, Եվրոպայի արծաթե մեդեալակիրներ Ցոլակ Անանիկյանը , Մարատ Թովմասյանը , 2013 թվականի Եվրոպայի բրոնզե մեդալակիր Արամ Ավագյանը:

ՔՐԻՍՏԻՆԵ ՊԵՏՐՈՍՅԱՆ