ՀԱՐՑՎԱԾՆԵՐԻ 3/4 ՉԵՆ ՀԱՎԱՏՈՒՄ ՀԱԿ-ԲՀԿ ՀԱՄԱԳՈՐԾԱԿՑՈՒԹՅԱՆ ԱՐԴՅՈՒՆՔՆԵՐԻ ԼՐՋՈՒԹՅԱՆԸ

Սեպտեմբերի 17-ից մինչեւ դեկտեմբերի 25-ը, մեր կայքում կազմակերպված էր քվեարկություն հետեւյալ հարցով. «Կստացվ՞ի ԲՀԿ եւ ՀԱԿ համագործակցությունը: Իրենց համագործակցության արդյունքում  ինչպիս՞ի փոփոխություններ տեղի կունենան Հայաստանում»: Հարցմանը մասնակցել է 411 հոգի եւ պարզվել է, որ այդ համագործակցությունից «թեժ» ակնկալիքներ ունեին միայն հարցվածների 1/4-ից էլ պակաս 22 տոկոսը: Հարցվածների ամենամեծ խումբը կազմել էին նրանք, ովքեր թերահավատությամբ էին վերաբերվում ԲՀԿ-ի եւ ՀԱԿ-ի համագործակցությանը. հարցվածների 39 տոկոսը, որեւէ շոշափելի հետեւանքներ այդ համագործակցությունից չէին կանխատեսում: 22 տոկոսը կարծում էին, որ այս համագործակցությունը կպարտադրի իշխանություններին զիջումների գնալ հանրային հնչեղություն ունեցող հարցերի շուրջ: Իսկ 13 տոկոսը վստահ էին, որ այս համագործակցությունը միայն որոշ չափով ներքին սրացումներ կառաջացնի, բայց, բառիս բուն իմաստով, «թեժ աշուն» չի լինելու: