Ըստ տարածված լուրերի` Ջրվեժի գյուղապետ Ռոբերտ Պետրոսյանը ծեծել է փեսային, քանի որ վերջինս էլ ծեծել է կնոջը: Գյուղապետին զայրացրել է դստեր նկատմամբ նման վերաբերմունքը եւ փեսային "դաս" է տվելª գործի դնելով ձեռքերն ու ոտքերը: Նշանակվել է դատաբժշկական փորձաքննություն: Թե որքանով է իրականությանը համապատասխանում տարածված լուրը, գյուղապետը մեզ հետ զրույցում ասաց.
- Ես ուղղակի եղել եմ դեպքի վայրում` ամբողջ իրողությունը կատարվելուց հետո, երբ ամուսիններով իրար հետ վիճել են: Ես երկար տարիներ է այդ խնդրի հետ առնչվում եմ, եւ այն բազմիցս փորձել եմ ոչ թե ծեծով լուծել, այլ բացատրելով, մարդկային լեզվով: Մի քանի անգամ նորմալ ձեւով բացատրել եմ, եթե ծեծելով հարց լուծվեր... Միջադեպից յոթ օր առաջ էլ եմ փեսայիս բացատրել, որ կնոջը ծեծելով` չի որոշվում տղամարդը, միջադեպի օրն էլ եմ բացատրել, բայց ոչ ծեծելով, այլ քաղաքակիրթ, նորմալ ձեւով: Ես չգիտեմ` ով է նման սուտ տեղեկություն տարածել, չնայած կռահում եմ, որ հնարավոր է հենց փեսաս լինի: Բայց դե, հո հիմա էլ չե՞մ գնալու ասեմ, որ ինչի ես նման տեղեկություն տարածել: Ես էլ կարող եմ շատ բան ասել, բայց հո ասելով չի՞: Ինչ է նշանակումª ծեծել եմ փեսայիս, դա ինձ վայել բան չէ: Ամեն դեպքում, ես չեմ ուզում կանխատեսումներ անել, թե ով կարող է արած լինել, եթե ռեալ չգիտեմ, չեմ կարող ասել:
1
3116 դիտում
2
2464 դիտում
3
2373 դիտում
4
2109 դիտում
5
2007 դիտում
