ՍԵՐ ՈՒ ՊԱՏԻԺ

ՍԵՐ ՈՒ ՊԱՏԻԺ

Սիսիանում առեւանգել էին մի աղջնակի: Արտառոց ոչ մի բան. տղան ուզում էր ամուսնանալ, սակայն...
Դեկտեմբերի 16-ին Սիսիան քաղաքի բնակիչ Ս. Իսրայելյանը գրավոր հաղորդում էր տվել, որ ժամը 12-ից 13-ն ընկած ժամանակահատվածում, Սյունիքի մարզի Հարժիս գյուղի բնակիչն ամուսնության նպատակով առեւանգել է իր դստերը: Իսկապես, Սյունիքի մարզի Հարժիս գյուղի բնակիչ Հայրապետը իր համագյուղացու եւ "հարսնացուի" ազգական Արթուրի օգնությամբ, փախցրել էր սիրած աղջկան եւ տարել  Գորիս: Աղջիկը "Կովկասի գերուհուց" ոչ պակաս համառն էր. մերժել էր ամուսնության առաջարկը եւ հաջորդ օրը վերադարձվել տուն: Մերժված տղայի վիճակն էլ ավելի է բարդացել, քանի որ հին ավանդույթը որակվել է որպես "առեւանգումª բռնություն գործադրելով", ինչը ՀՀ քրեական օրենսգրքի 131-րդ հոդվածով սահմանում է սիրո չափ մեծ պատիժ: Եվ ոչ միայն չկայացած փեսացուի համար...

ԻՆՔՆԱՍՊԱՆՈՒԹՅՈՒՆՆԵՐԻ ՎԻՃԱԿԱԳՐՈՒԹՅՈՒՆ

Վերջին տասը տարիների ինքնասպանությունները եւ փորձերը միայն աճում են: Հոգեբաններն ու սոցիոլոգները համարում են, որ դրան խթանում են նաեւ հայկական լրատվամիջոցներում ինքնասպանությունների էթիկայից դուրս խրոնիկաները, մանրամասն նկարագրությունները, որոնք հաճախ ուղեկցվում են սարսափազդու լուսանկարներով: Այսպիսով, վերջին 5 տարիներին աղքատության աճը, երբ երկրում պաշտոնապես աղքատ է համարվում ամեն երրորդ բնակիչ, սոցիալ-տենտեսական եւ հոգեբանական դժվար վիճակը շատերին անհուսության դուռն են հասցրել, մղվում ªէ հետին պլան:
2003-2013 թվականներին ինքնասպանությունների եւ ինքնասպանության փորձերի թիվը ավելի քան կրկնապատկվել է` 377-ից հասնելով  768-ի: Ըստ ՀՀ ոստիկանության ինֆորմացիոն կենտրոնի եւ վիճակագրության ծառայության տվյալներիª "2003-ին արձանագրվել է ինքնասպանության եւ փորձի 377 դեպք, ապա 2004-ին այդ թիվը հասել է 385-ի, 2005-ին` 399-ի, 2006-ին` 465-ի, 2009-ին`498-ի: 2011թ.-ին, երբ լրատվամիջոցները սկսեցին ակտիվորեն լուսաբանել ինքնասպանության դեպքերը, արձանագրվել է 647 ինքնասպանության եւ ինքնասպանության փորձի դեպք, 2012թ.-ին` 740, իսկ  2013թ.-ին` 768 դեպք: Դեպքերի գերակշիռ մասը տեղի է ունեցել կամ կախվելու, կամ բարձրությունից` կամրջից ցած նետվելու եղանակով":