Ո՛Չ ԹՈՒՐՔԻԱՅՈՒՄ ՀԱՆԳՍՏԻՆ. ՏԵՍԱՆՅՈՒԹ

Ո՛Չ ԹՈՒՐՔԻԱՅՈՒՄ  ՀԱՆԳՍՏԻՆ. ՏԵՍԱՆՅՈՒԹ

Այսօր «Մոսկվա» կինոթատրոնի մոտ  կազմակերպվել էր ոչ Թուրքիայում հանգստին թեմայով ակցիա, որի նպատակն էր կոչ անել մեր համաքաղաքացիներին  իրենց հանգիստը չանցկացնել Թուրքիայում եւ չհարստացնել  մեր թշնամուն: Ակցիայի  նախաձեռնող «Ոչ պետական բուհերի ուսանողական կենտրոն» ՀԿ նախագահ Արմինե Բարսեղյանն «Իրավունքի» հետ զրույցում ասաց, որ այս ակցիան շարունակակական է լինելու: Ակցիայի ֆինանսավորում իրականացրել էր Հայաստանի երիտասարդական հիմնադրամի՝ ՀՀ նախագահի կողմից ընտրված գործընկեր կազմակերպության ջանքերով: «Իրավունքը» հիմնադրամի ղեկավար, պատգամավոր Կարեն Ավագյանից հետաքրքրց, թե քանիսն են նրա գործընկեր-պատգամավորներից հանգստանում Թուրքիայում: «Ում ես ճանաչում եմ, ոչ ոք»,- իր գործընկների տեղը երաշխավորելով ասաց պատգամավորը:

Սակայն, կարծես , թե ինքը Կարեն Ավագյանը այնքան էլ վստահ չէ, որ այսպիսի ակցիաներով հնարավոր է ինչ-որ բան փոխել:

Հ. Գ. Սա, իհարկե, ողջունելի ակցիա է, որն ինչ-որ ձեւով կանդրադառնա հանրային գիտակցությա վրա, բայց հետաքրքրիր եւ զարմանալի, թե ինչո՞ւ, օրինակ, Կարեն Ավագյանը չէր առաջարկել ակցիան անցկացնել ԱԺ-ի, կամ այն օլիգարխների տան դիմաց, որոնք ջանք, եռանդ ու գումար չեն խնայում անթալիաներում հանգստանալու, ինչու չէ նաեւ բիզնես իրականացնելու համար: Ինչ վերաբերվում է հասարակ ժողովրդի կողմից Թուրքիայում հանգստանալու հնարավորությանը, այն էլ այս սոցիալ-տնտեսական ծանր վիճակում` դրամի գերարժեզրկման պայմաններում, դա պարզապես անհնար է ու ծիծաղելի:

Մանրամասները` տեսանյութերում