ՅՈՒՆԻԲԱՆԿԸ ՓՄՁ-ՆԵՐԻՆ ԱՌԱՋԱՐԿՈՒՄ Է ԱՆՎՃԱՐ ՀԱՇՎԱՐԿԱԴՐԱՄԱՐԿՂԱՅԻՆ ՍՊԱՍԱՐԿՈՒՄ

ՅՈՒՆԻԲԱՆԿԸ ՓՄՁ-ՆԵՐԻՆ ԱՌԱՋԱՐԿՈՒՄ Է ԱՆՎՃԱՐ

ՀԱՇՎԱՐԿԱԴՐԱՄԱՐԿՂԱՅԻՆ ՍՊԱՍԱՐԿՈՒՄ

ՙԱջակցություն ՀՀ ձեռնարկատիրությանը՚ ակցիայի շրջանակներում Յունիբանկը ՓՄՁ-ներին առաջարկում է անվճար հաշվարկադրամարկղային սպասարկում

Յունիբանկը հայտարարում է ՙԱջակցություն ՀՀ ձեռնարկատիրությանը՚ նոր ակցիայի մեկնարկման մասին, որն ուղղված է տնտեսության առաջխաղացման եւ նոր աշխատատեղերի ստեղծման համար առանցքային նշանակություն ունեցող փոքր եւ միջին բիզնեսի զարգացման խթանմանը:

Բանկն առաջարկում է իրավաբանական անձանց եւ անհատ ձեռներեցներին բանկային հաշիվների բացում եւ սպասարկում արտոնյալ պայմաններով`

. հաշվի բացում` անվճար

. հաշվի սպասարկում` անվճար

. հաշվից քաղվածքի, տեղեկանքի տրամադրում` անվճար

. չեկային գրքույկի տրամադրում` անվճար

. դրամական փոխանցումների իրականացում (ներբանկային, միջբանկային փոխանցումներ)` անվճար

. ՙԻնտերնետ Բանկ-Հաճախորդ՚ համակարգի տեղադրում, ուսուցում եւ սպասարկում` անվճար

. արտարժույթի փոխանակում` հատուկ փոխարժեքների սահմանում

Առաջարկից կարող են օգտվել այն ՀՀ ռեզիդենտ ձեռնարկություններն ու անհատ ձեռներեցները, որոնց ամսական շրջանառությունը չի գերազանցում 50 մլն ՀՀ դրամը, իսկ աշխատակիցների քանակը` 100-ը: Ակցիան նախատեսված է նոր հաճախորդների համար եւ գործում է միայն 20.12.2014-ից մինչեւ 28.02.2015թ. բացվող հաշիվների համար:

Յունիբանկը մշտապես ակտիվ աշխատել է փոքր եւ միջին բիզնեսի հետ` առաջարկելով նրանց հետաքրքիր եւ շահավետ պայմաններ ինչպես վարկավորման, այնպես էլ` սպասարկման համար: ՓՄՁ-ների համար բանկային ծառայությունների հասանելիության եւ հարմարավետության բարձրացման նպատակով, ամանորյա տոների նախաշեմին բանկը որոշեց հայտարարել հատուկ ակցիա, որը փաստորեն ենթադրում է հաշվարկադրամարկղային ծառայությունների ողջ փաթեթի մատուցումը` անվճար:

Իրավաբանական անձանց համար Յունիբանկը նաեւ գործողության մեջ է դրել ՙԱմանորյա+՚ նոր ավանդը բարձր` մինչեւ 16% տարեկան տոկոսադրույքով: