ԾՆՈՂԸ ՊԵՏՔ Է ՀԱՍԿԱՆԱ ԵՐԵԽԱՅԻ ՈՒԺԵՂ ԵՎ ԹՈՒՅԼ ԿՈՂՄԵՐԸ ՈՒ ՍԹՐԵՍԻ ՄԵՋ ՉԳՑԻ ԵՐԵԽԱՅԻՆ

ԾՆՈՂԸ ՊԵՏՔ Է ՀԱՍԿԱՆԱ ԵՐԵԽԱՅԻ ՈՒԺԵՂ ԵՎ ԹՈՒՅԼ ԿՈՂՄԵՐԸ ՈՒ ՍԹՐԵՍԻ ՄԵՋ ՉԳՑԻ ԵՐԵԽԱՅԻՆ

Դեկտեմբերի 23-ին Համազգային թատրոնում տեղի կունենա «Թոփ մոդել Հայաստան 2014» մրցույթը, որին մասնակցում են 3 տարիքային խմբեր ներկայացնող մասնակիցներ: «Թոփ մոդել Հայաստան» ազգային ասոցիացիայի հիմնադիր ԳԵՎՈՐԳ ԱՍԱՏՐՅԱՆԸ «Իրավունքի» հետ զրույցում  մանրամասնեց , որ մինչ մրցույթը մասնակիցների հանդիպումները դերասանների հետ, էթիկայի դասախոսությունները եւ մարզասրահ այցելությունը նախատեսված է մասնակիցների միջեւ մտերմիկ միջավայր ստեղծելու համար. «Այդ ամենն արվում է որպեսզի նախ մասնակիցներն իրենց մրցակից չզգան ե՛ւ  այդ օրը, ե՛ւ ընդհանրապես: Բնականաբար այդ օրը մեկ գլխավոր մրցանակակիր է լինելու, որը մասնակցելու է միջազգայիյն մրցույթների, ուստի ուզում ենք, որ այդ երեխաները նորմալ ընդունեն այն փաստը, որ հաղթողը մեկն է լինելու»,- ասաց Գ. Ասատրյանն ու հավելեց. «Ուզում ենք լրացնել այն բացը, որ վերջին տարիներին գեղեցկության մրցույթներ չեն անցկացվում: Իհարկե լինում են անհասկանալի անուններով մրցույթներ, որոնք անցկացվում են դրսում: Մենք փորձում ենք լավ ավանդույթ ստեղծել, նման բան իհարկե լինում էր նաեւ «Միսս Հայաստան» մրցույթի ժամանակ, երբ մասնակիցները մտերիկ հանդիպումներ էին ունենում»:

Այնուամենայնիվ, հայկական տարբերակում մրցակիցները մտերմիկ  հանդիպումից հետո տուն են վերադառնում եւ շատ հաճախ ընտանիքի անդամները նաեւ ազդեցություն են ունենում, ասելով, որ դու ես ամենալավը, եւ դու պիտի հաղթես: Սակայն, այդ մասին էլ են հոգացել մրցույթի կազմակերպիչները` մասնակիցների ծնողների հետ զրույցների միջոցով: Գ. Ասատրյանի հավաստմաբ, եթե երեխան առողջ բանականություն ունի ծնողների ճնշումները տեղ չեն հասնում. «Եթե երեխան առոջղ է դատում, նա չի թողնի, որ տանն այդ կարգի խոսակցությունները շարունակություն ունենան: Երբ ծնողն ասում է, որ դու պիտի հաղթես, ի՞նչ պիտի փոխի, երեխան իրենց հնարավորինս դրսեւորում է այնպես ինչպես, որ կա, ավելին չի կարող անել: Այստեղ  հիմնականում առավելությունը տրվում է բնատուր գեղեցկությանը`հիմնականում հասակը, իսկ լավ քայլքը արդեն առավելություն է:  Ծնողը պետք է հասկանա իր երեխայի  ուժեղ եւ թույլ կողմերը եւ ավելորդ սթրեսի մեջ չգցի երեխային: Մրցակցությունն էլ պետք է առողջ լինի, ինչպես տնտեսությունը եւ բիզնեսը»:

ԼԻԼԻԹ ԵՂԻԱԶԱՐՅԱՆ