ՀՀԿ-ի ՈՒ ՀՅԴ-Ի ՀԱՅՏԱՐԱՐՈՒԹՅՈՒՆԸ ՉԻ ՀՈՒԶՈՒՄ ԲՀԿ-ԻՆ

ՀՀԿ-ի ՈՒ ՀՅԴ-Ի ՀԱՅՏԱՐԱՐՈՒԹՅՈՒՆԸ ՉԻ ՀՈՒԶՈՒՄ ԲՀԿ-ԻՆ

«Իրավունքը»  ԲՀԿ խմբակցության մամլո խոսնակ  Տիգրան  Ուրիխանյանից հետաքրքրվեց, թե ինչու ԲՀԿ-ը որոշեց դադարեցնել բոյկոտը եւ մասնակցել դեկտեմբերի 17-ին  տեղի ունեցած արտահերթ նիստին:

Հիշեցնենք, որ ԲՀԿ խմբակցության քարտուղար Նաիրա Զոհրաբյանը դեկտեմբերի 15-ին ԱԺ-ում հայտարարել էր, որ պետք է  ընդհատել արտահերթ նիստը եւ  արտահերթ նիստ գումարել ՀԱԿ խմբակցության պատգամավոր Արամ Մանուկյանի, ազատամարտիկների վրա հարձակվելու վերաբերյալ: Դեկտեմբերի 16-ին գումարվում է արտահերթ նիստը, ՀՀԿ-ի ու ՀՅԴ-ի համատեղ դատապարտող հայտարարությունն ընդունվում, որը, սակայն, Նաիրա Զոհրաբյանը համարեց երրորդ դասարանի մակարդակի շարադրություն: ԲՀԿ խմբակցության պատգամավոր Վահան Բաբայանն էլ ընթերցելով  իրենց պահանջը լքեց նիստերի դահլիճը:

ԲՀԿ մամլո խոսնակի խոսքով` դեկտեմբերի 16-ին տեղի ունեցավ իրենց կողմից բարձրացված հարցի արտահերթ քննարկումը. «Արտահերթ նիստը  գումարվեց, հարցը քննարկվեց մենք էլ շարունակում ենք մեր աշխատանքը»,- պատասխանեց  Ուրիխանյանը:

Արդյոք ՀՀ փոխոստիկանապետ Լեւոն Երանոսյանի պաշտոնանկ անելու  հարցը կա՞ ԲՀԿ-ի օրակարգում: Պարզվեց, ոչ միայն ԲՀԿ-ի, այլեւ  ոչ իշխանական ուժերի օրակարգում կա, որի մասին Վահան Բաբայանը բարձրաձայնել է:

Ինչ վերաբերում է ՀՀԿ-ի ու ՀՅԴ-ի համատեղ ընդունած դատապարտող  հայտարարությանը,  Տիգրան Ուրիխանյանի խոսքով`այն ԲՀԿ-ին չի բավարարում:

Իսկ ինչպե՞ս կմեկնաբանի ԲՀԿ մամլո խոսնակը  ՀՅԴ խմբակցության Արմեն Ռուստամյանի այն հայտարարությունը, որ  եթե  բոյկոտ հայտարարած ուժերը եկել-մասնակցել են երեկվա արտահերթ  նիստին, նշանակում է ընդունված հայտարարությունն իրենց բավարարում է, ԲՀԿ մամլո խոսնակն ասաց, որ չի մեկնաբանում քաղաքական այլ ուժերի ներկայացուցիչների հայտարարությունը: Հայաստանում ցանկացած հանցագործություն, անկախ  նրանից, թե ով է արել, պետք է  ունենա հետեւանքներ- պատժի տեսքով ու դատապարտվի:

Եթե ազատամարտիկները բողոք չեն ներկայացրել, արդյոք արժեր այդ հարցը քաղաքականացնել, որի մասին  դեկտեմբերի 16-ին ՀՀԿ պատգամավոր Սեյրան Սարոյանը բարձրաձայնել էր:  ԲՀԿ մամլո խոսնակը խորհուրդ տվեց հարցն ուղղել ազատամարտիկներին:

ՍՈՆԱ ԴԱՎԹՅԱՆ