ՀՀ ֆիննախարար. «ՊԵՏՔ Է ԿՈՇՏ ՀԱՐԿԱԲՅՈՒՋԵՏԱՅԻՆ ՔԱՂԱՔԱԿԱՆՈՒԹՅՈՒՆ ՎԱՐԵԼ»

ՀՀ ֆիննախարար. «ՊԵՏՔ Է ԿՈՇՏ ՀԱՐԿԱԲՅՈՒՋԵՏԱՅԻՆ ՔԱՂԱՔԱԿԱՆՈՒԹՅՈՒՆ ՎԱՐԵԼ»

Այսօր խորհրդարանում` լրագրողներիս հետ ճեպազրույցում ՀՀ ֆինասների նախարար ԳԱԳԻԿ ԽԱՉԱՏՐՅԱՆՆ անդրադառնալով վերջին օրերի խայտառակ գնաճին` նշեց. «Ֆինանսների նախարարությունը հարկաբյուջետային քաղաքականության վարող  է: Եվ, ընդհանրապես, նման դեպքում պետք է կոշտ հարկաբյուջետային քաղաքականություն վարել` եկամուտները բարձրացնել եւ ծախսերը նվազեցնել, բայց հաշվի առնելով մեր տնտեսության վիճակը` մենք ավելի մեղմ քաղաքականությունն ենք տանում, եւ տնտեսությունը աշխույժացնող քաղաքականություն ենք փորձում վարել: Ասեմ, որ ամեն ժամ, ամեն օր նոր խաղի պայմաններ են առաջանում, դրա համար մենք օպերատիվ ձեւով Կենտրոնական բանկի հետ կառավարությունում քննարկում ենք այն գործիքները, այն միջոցառումները, որոնք կկայունացնեն վիճակը»: Իսկ թե ինչո՞ւ են պատկան մարմինները հապաղում խնդրին շուափույթ լուծումներ գտնել, ֆիննախարարը հավելեց. «Պետք է Կենտրոնական բանկի դրամավարկային քաղաքականութունը լինի հուսադրող երկարատեւ հատվածի համար: Մենք կարող ենք գործողություններ անել այս իրավիճակը կայունացնելու համար, բայց հակված ենք երկարատեւ հատվածի համար կայունացնել իրավիճակը, որ տնտեսվարողները դոլար-դրամ -եվրո հարաբերություններին հստակ տիրապետեն, թե ինչ է կատարվում: Բարդ իրավիճակ է եւ ոչ շահեկան, նաեւ մասնագետների համար է անորոշությունները շատ»: Ըստ պարոն Խաչատրյանի, այս օրերին ե՛ւ ներկրողներն ունեն ռիսկեր, ե՛ւ արտահանողներ ու այս տատանումները միայն մեզ մոտ չեն:

ՀՐԱՆՏ ՍԱՐԱՖՅԱՆ