ԻՆՉ ԼԻՆԻª "ԺԵՇՏԻՆ" ԼԻՆԻ

ԻՆՉ ԼԻՆԻª "ԺԵՇՏԻՆ" ԼԻՆԻ

Ռուսաստանի Դաշնության Գերագույն դատարանի նախագահությունը ընդունել է մի որոշում, որը կմեղմացնի ավտոգողերի պատիժը: Մինչ այդ որոշումըª ավտոմեքենա փախցրած անձը կարող էր մեղադրվել նաեւ պաշտոնական փաստաթղթեր հափշտակելու, թաքցնելու, ոչնչացնելու համար, եթե ավտոմեքենայում եղել էին, օրինակ, ավտոմեքենայի տեխնիկական անձնագիրը կամ ճանապարհային երթեւեկության կանոնները խախտելու վերաբերյալ արձանագրությունը: Այդպիսի մի մեղադրանքով կայացված դատավճռի դեմ բերված բողոքը քննելիս` Ռուսաստանի դատական բարձրագույն ատյանը որոշեց, որ վերը նշված եւ նման այլ փաստաթղթերը պետք համարվեն անձնական փաստաթղթեր, այլ ոչ թե պետական, հետեւաբար այսուհետ պետք է կիրառվի շատ ավելի մեղմ պատիժ:


"ՃԱՇԱՍԵՆՅԱԿԸ
ԱՐՏԱՔՆՈՑ ԷՐ ԴԱՐՁՐԵԼ"

Նիժնի Նովգորոդում տեղի էր ունեցել դաժան սպանություն. 34-ամյա տղամարդը դանակով հարվածել էր իր 61-ամյա զոքանչին, հետո ձեռքերով ու ոտքերով բազմաթիվ հարվածներ հասցրել արնաքամ լինող կնոջ մարմնին: Կինը մահացել էր, իսկ մարդասպանը փորձել էր արդարացնել իր գազանությունը նրանով, թե զոհը բնակարանի ճաշասենյակը, բառի բուն իմաստով, դարձրել էր արտաքնոցª իր բնական կարիքները բավարարելու համար: Իրավապահները պարզել էին, որ զոքանչը հարբեցող էր: Սակայն ալկոհոլով ոչ պակաս տարված էր նաեւ փեսան: Չեչենական պատերազմի մասնակից այդ տղամարդը զորացրվել էր ծանր վիրավորվելուց հետո, ուներ պետական պարգեւներ, սակայն խաղաղ կյանքում չէր գտել իր տեղն ու սկսել էր չարաշահել խմիչքը:


ԱՀԱԲԵԿՉՈՒԹՅԱՆ ՄԱՍԻՆ ՍՈՒՏ ՈՒ "ԹԵՐԻ" ՀԱՂՈՐԴՈՒՄ

Մոսկվայի նավթի ու գազի պետական համալսարանը գտնվում է քաղաքի կենտրոնականª Լենինյան պողոտայում եւ ունի մի քանի մասնաշենք: Դեկտեմբերի 16-ին անհայտ մի անձ ահազանգել էր, թե համալսարանի շենքում ռումբ է տեղադրված: Զանգահարողը "մոռացել" էր ճշտել, թե ԲՈՒՀ-ի որ մասնաշենքում է գտնվում պայթուցիկը: Փորձանքից հեռուª որոշվել էր տեղահանել բոլոր մասնաշենքերի ուսանողներին, դասախոսներին եւ այլ աշխատակիցներին: Ընդհանուր թվով շուրջ 10.000 մարդ էվակուցվել էր համալսարանից: Ռումբ գտնելու վերաբերյալ տեղեկություններ չեն հայտնվում, բարբախտաբար, լուր չկա նաեւ պայթյունների մասին...


ՄԱՆԿԱՊԱՐՏԵԶԻ "ՀԱՄԵՍՏ" ՏՆՕՐԵՆԸ

Որքա՞ն գումար կարելի է հափշտակել մանկապարտեզից 6 տարվա ընթացքում:
Սանկտ Պետերբուրգի մանկապարտեզներից մեկի տնօրենը, Անաստասիա Լիդսկայան հափշտակել էր ընդամենը 1 միլիոն ռուբլիª մանկական այդ հիմնարկում պահելով ընդամենը մեկ "մեռած հոգի": Այսպիսով, "համեստ" ղեկավարը բավարարվել էր ամսական ընդամենը 15 հազար ռուբլի "հավելավճարով":


5 ՏԱՐԵԿԱՆ ԳՐՈՀԱՅԻՆՆԵՐ

Որեւէ քաղաքականություն չի կարող արդարացնել բռնությունը երեխայի հանդեպ: ՄԱԿ-ի ուսումնասիրությունների արդյունքում բացահայտվել է, որ ԻԼԻՊԻ ճամբարներում աճել է գրոհայիններ դարձող երեխաների թիվը. 350 երեխա, որից ամենափոքրը 5 տարեկան է, զինվորական պատրաստվածություն է անցել ԻԼԻՊ-ի ճամբարներում: Երեխաներին սովորեցնում են սպանել ու սպանվել, իսկ միջազգային քրեական դատարանը ընդամենը արձանագրում է այդ հանցագործությունները...

Ա. ԱԲԳԱՐՅԱՆ